RGV Vyooham : ‘‘పట్టు వదలని విక్రమార్కున్ని..’’ గన్ తో వచ్చేశాడు వర్మ..!

RGV Vyooham : రామ్ గోపాల్ వర్మ.. వివాదం ఆయన ఇంటిపేరు.. గిచ్చి కయ్యం పెట్టుకోవడం ఆయన నైజం..ముంబై బాలీవుడ్ ను వదలిపెట్టి వచ్చాక టాలీవుడ్ కు పరిమితమైన వర్మ నిత్యం వివాదాల్లో మునిగితేలుతూ ఉంటారు. సంవత్సరానికి ఓ ఐదారు లో కంటెంట్ సినిమాలు, ఓ రెండు పొలిటికల్ మూవీలు చేస్తుంటారు. అవి హిట్టా ఫట్టా అనే సంబంధం లేకుండా తన ఫ్యాక్టరీ నుంచి సినిమాలు బయటకు పంపిస్తూనే ఉంటాడు. నిత్యం వార్తల్లో ఉండడానికి ఎవరో ఒకరిని టార్గెట్ చేస్తుంటాడు. దీంతో వచ్చే పబ్లిసిటీని ఎంజాయ్ చేస్తుంటాడు.

తాజాగా వైసీపీకి అనుకూలంగా, టీడీపీ, జనసేనలకు వ్యతిరేకంగా వ్యూహం మూవీని రూపొందించిన విషయం తెలిసిందే. ఇది విడుదల కాకుండా వాయిదాలు పడుతూ వస్తోంది. మార్చి 2న థియేటర్లలోకి తీసుకొస్తున్నట్లు వర్మ అధికారికంగా ప్రకటించారు. తొలుత ఫిబ్రవరి 25న రిలీజ్ చేద్దామనుకున్నారు. కానీ సాంకేతిక సమస్యల కారణంగా మార్చి 1వ తేదీకి వాయిదా పడింది. ఇప్పుడు ఓ రోజు ఆలస్యంగా అంటే మార్చి 2న ఆడియన్స్ కు ముందుకురాబోతోంది.

తాజాగా ‘వ్యూహం’ సినిమా విడుదలపై దర్శకుడు రామ్ గోపాల్ వర్మ ట్వీట్ చేశారు. ‘‘పట్టు వదలని విక్రమార్కుడిని..’’ అని క్యాప్షన్ తో పాటు సెన్సార్ సర్టిఫికెట్ ను చేతిలో పట్టుకున్న ఫొటోను పోస్ట్ చేశారు. ‘‘వ్యూహం మార్చి 2న థియేటర్లలోకి వస్తోంది’’ అంటూ కామెంట్ చేశారు.  వాస్తవానికి రెండు నెలల క్రితమే ‘వ్యూహం’ రిలీజైపోవాలి. కానీ విడుదల నిలిపేయాలని నారా లోకేశ్.. తెలంగాణ హైకోర్టులో పిటిషన్ వేశారు. దీంతో వాయిదా పడుతూ వచ్చింది. ఇప్పుడు అడ్డంకులన్నీ క్లియర్ అయిపోవడంతో థియేటర్లలోకి రానుంది.

పట్టు వదలని విక్రమార్కున్ని .. VYOOHAM in theatres MARCH 2nd 💪 pic.twitter.com/DoGK95a4PB

— Ram Gopal Varma (@RGVzoomin) February 28, 2024