Nutrition Food For Women :
మనం తీసుకునే ఆహారమే మన ఆరోగ్యాన్ని కాపాడుతుంది. సంపూర్ణ ఆరోగ్యం సొంతం కావాలంటే కొన్ని జాగ్రత్తలు తీసుకోవాల్సిందే. వయసును బట్టి మన ఆహారం ఎంపిక చేసుకోవాలి. పోషకాలు ఉండే ఆహారం తీసుకుంటే మన దేహం ఇబ్బందులకు గురికాకుండా ఉంటుంది. జాతీయ పోషకాహార వారోత్సవాల సందర్భంగా మహిళలు ఎవరి వయసును బట్టి ఎలాంటి ఆహారం తీసుకోవాలో తెలుసుకుందాం.
పిల్లలు పుట్టాక ఆడవారు ఆరు నెలల వరకు తల్లిపాలే ఆహారంగా ఇస్తారు. దీంతో వారికి పోషకాలు ఉన్న ఆహారాలు తీసుకుంటేనే పాలు బాగా వచ్చే అవకాశం ఉంటుంది. చిన్నారుల్ల ఎముకలు, దంతాలు బలంగా ఉండాలంటే కాల్షియం ఉండే ఆహారాలు తీసుకోవడం తప్పనిసరి. ఈనేపథ్యంలో కాల్షియం, డి విటమిన్ దొరికే ఆహారాలు తీసుకుంటే మంచి ప్రయోజనాలు దక్కుతాయి.
పాలు, పాలపదార్థాలు, ఆకుకూరలు, గింజలు, నట్స్, పప్పులు వంటివి తీసుకోవడం వల్ల ఆరోగ్యం బాగుంటుంది. డి విటమిన్ లభించాలంటే ఎండలో ఓ అరగంట పాటు ఉంటే మంచిది. డి విటమిన్ లభించే ఆహారాల్లో చేపలు, గుడ్లు, పప్పులు వంటి వాటిలో దొరుకుతాయి. ఇలాంటి పోషకాలు ఉన్న ఆహారాలను తీసుకోవడం వల్ల బలం చేకూరుతుంది.
టీనేజ్ లోకి వచ్చిన అమ్మాయిలకు రుతుచక్రం మొదలయ్యే దశలో వచ్చే మార్పుల వల్ల రక్తం బయటకు పోయే అవకాశం ఉంటుంది. నెలసరి సమయంలో రక్తం చాలా బయటకు పోతుంది. దీంతో వారిలో నీరసం, అలసట వస్తుంటాయి. ఐరన్ లోపం కూడా వేధిస్తుంది. రక్తహీనత తలెత్తవచ్చు. ఈ సమస్యల నుంచి దూరం కావాలంటే కోడిగుడ్డు, చేపలు, బీన్స్, ఆకుకూరలు, బఠాణీ, డ్రై ఫ్రూట్స్, యాపిల్, దానిమ్మ వంటివి తీసుకోవడం వల్ల మంచి ఫలితాలు వస్తాయి.