Nani న్యాచురల్ స్టార్ నాని అంటే తెలియని తెలుగు ప్రేక్షకులు లేరు.. నాని ఎంతో కస్టపడి పైకి ఈ స్థాయికి వచ్చాడు.. ఎలాంటి బ్యాక్ గ్రౌండ్ లేకుండానే వచ్చి ఇప్పుడు స్టార్ హీరోల్లో ఒకరిగా ఉన్నారు.. నాని తన సహజమైన నటనతో ఏ సినిమాలో అయిన ఆడియెన్స్ ను మెప్పిస్తాడు.. ఇక ఇటీవలే నాని దసరా సినిమాతో ప్రేక్షకుల ముందుకు వచ్చాడు.
ఈ సినిమా బాక్సాఫీస్ వద్ద దండయాత్ర చేసింది. నాని కెరీర్ లోనే అత్యధిక కలెక్షన్స్ అందుకున్న సినిమాగా ఈ సినిమా రికార్డ్ క్రియేట్ చేసుకుంది.. ఇక ఈ సినిమా ఇచ్చిన విజయంతో మరింత జోష్ గా మరో సినిమా చేస్తున్నాడు నాని.. న్యాచురల్ స్టార్ నాని తాజాగా నటిస్తున్న మూవీ ”హాయ్ నాన్న”.. ఈ సినిమాను కొత్త డైరెక్టర్ శౌర్యవ్ తెరకెక్కిస్తున్నాడు.
అలాగే ఈ సినిమాలో బాలీవుడ్ హీరోయిన్ మృణాల్ ఠాకూర్ నానికి జోడీగా నటిస్తుంది. ఇప్పటికే ఈ సినిమాప్ భారీ అంచనాలు పెరిగాయి.. ఇక నిన్న ఈ సినిమా నుండి గ్లింప్స్ రిలీజ్ చేయగా ఇది ఓ రేంజ్ లో ఆకట్టుకుని ఈ సినిమాపై ఉన్న అంచనాలను డబల్ చేసింది.. ఇక ఈ సినిమా గ్లింప్స్ రిలీజ్ అయ్యాక ఇందులో నాని ఒక పాపకు తండ్రిగా నటించాడు.
నాని భార్య చనిపోగా పాపతో జీవిస్తుండగా హీరోయిన్ మృణాల్ పాపకు స్నేహితురాలిగా పరిచయం అవుతుంది.. ఆ తర్వాత వీరు ఎలా కలుసు కున్నారు అనేది మిగిలిన కథ.. చూస్తుంటే ఈ సినిమా మొత్తం ఆద్యంతం ఎమోషనల్ డ్రైవ్ గా సాగనుంది అని అర్ధం అవుతుంది. ఇది పక్కన పెడితే ఈ సినిమాలో నటించిన పాప ఎవరు అని అంతా ఆరా తీస్తున్నారు.
హాయ్ నాన్న సినిమాలో నటించిన ఈ చిన్నారి పేరు కియారా ఖన్నా.. ఈమె యాడ్స్ లో నటించింది. అలాగే పలు బాలీవుడ్ సినిమాల్లో కూడా కనిపించింది. ఈమెకు ఒక యూట్యూబ్ ఛానెల్ కూడా ఉండగా తన అక్క మైరాతో కలిసి కియారా వీడియోలు చేస్తుంది. ఈ యూట్యూబ్ ఛానెల్ ను కియారా తల్లి శివాని ఖన్నా నడుపుతుంది. ఎప్పటికప్పుడు తన పిల్లల వీడియోలను పోస్ట్ చేస్తూ వీరిని ఫేమ్ లోకి తెచ్చింది.