నాటు నాటు అనే పాటతో ఆస్కార్ సాధించిన గేయ రచయిత చంద్రబోస్ ని ఘనంగా సన్మానించారు న్యూజెర్సీ లోని ప్రవాసాంధ్రులు. ఎడిసన్ లో ఈ సన్మాన కార్యక్రమం అంగరంగ వైభవంగా జరిగింది. ఈ కార్యక్రమంలో పెద్ద ఎత్తున తెలుగువాళ్లు పాల్గొన్నారు. కాగా ఇదే వేడుకలో పాల్గొని చంద్రబోస్ పై ప్రశంసల వర్షం కురిపించారు ప్రముఖ పారిశ్రామికవేత్త డాక్టర్. జై యలమంచిలి.
మానవాళికి ఉపయోగపడే UBlood App వంటి గొప్ప యాప్ ని డాక్టర్. జై యలమంచిలి సృష్టించిన విషయం తెలిసిందే. అంతేకాదు JSW & Jaiswaraajya.tv సంస్థలు అలాగే సాఫ్ట్ వేర్ సంస్థలకు అధినేత అయిన డాక్టర్. జై యలమంచిలి చంద్రబోస్ ను ఈ వేడుకలో కలిశారు. ఇద్దరూ కాసేపు పలు అంశాలపై ముచ్చటించుకున్నారు. యు బ్లడ్ యాప్ వంటి గొప్ప యాప్ ను ప్రజల కోసం సృష్టించిన జై యలమంచిలిపై ప్రశంసలు కురిపించారు చంద్రబోస్. తెలుగువాళ్ళ మధ్య తనకు సన్మానం జరగడం గౌరవంగా భావిస్తున్నానని తెలిపారు చంద్రబోస్.