పవర్ స్టార్ పవన్ కళ్యాణ్ తప్పు చేస్తున్నాడా ? వరుసగా సినిమాలు అంగీకరిస్తూ ఏ సినిమా ఎలా ఉండబోతోందో తెలియక తప్పు చేస్తున్నాడా ? ఇప్పుడు ఇదే వినబడుతోంది. పైగా యువ దర్శకుడు సుజీత్ దర్శకత్వంలో” OG ” అనే సినిమా అంగీకరించి మరింత తప్పు చేశాడా ? అనిపిస్తోంది. ఎందుకంటే OG చిత్రంలో పవన్ కళ్యాణ్ గ్యాంగ్ స్టర్ గా నటిస్తున్నట్లుగా తెలుస్తోంది.
ఇంతకుముందు పవన్ కళ్యాణ్ గ్యాంగ్ స్టర్ గా నటించిన పంజా , బాలు చిత్రాలు బాక్సాఫీస్ వద్ద ఘోరంగా దెబ్బతిన్నాయి. బాలు అలాగే పంజా చిత్రాలపై భారీ అంచనాలు ఉండేవి. అయితే ఆ రెండు కూడా దారుణమైన పరాజయాలను మూటగట్టుకున్నాయి. 2005 లో విడుదలైన బాలు , 2011 లో విడుదలైన పంజా ఇదే విషయాన్ని రుజువు చేసాయి. ఈ రెండు చిత్రాల్లో కూడా పవన్ కళ్యాణ్ గ్యాంగ్ స్టర్ గానే నటించాడు.
ఇక ఇప్పుడు ముచ్చటగా మూడో సారి గ్యాంగ్ స్టర్ గా అందునా పాన్ ఇండియా స్టార్ ప్రభాస్ తో సాహో లాంటి డిజాస్టర్ ఇచ్చిన దర్శకుడితో మరోసారి గ్యాంగ్ స్టర్ గా నటించడం అంటే సాహసమే అని చెప్పాలి. గ్యాంగ్ స్టర్ గా నటించిన చిత్రాలు ఎందుకు సక్సెస్ కావు అని పంతం పట్టి చేస్తున్న సినిమానా ? లేక ఆ సెంటిమెంట్ ను బద్దలు కొట్టడానికి చేస్తున్నాడా ? అనేది సినిమా విడుదల అయ్యాక మాత్రమే తెలిసేది.
OG ఈ సినిమా షూటింగ్ స్టార్ట్ అయింది. అయితే ఈ సినిమా ఎప్పుడు పూర్తి అవుతుంది ? ఎప్పుడు విడుదల అవుతుంది అన్నది చూడాలి. ప్రస్తుతానికి ఈ చిత్రానికి OG అనేది వర్కింగ్ టైటిల్ గా ఉంది. ఆర్ ఆర్ ఆర్ వంటి బ్లాక్ బస్టర్ చిత్రాన్ని నిర్మించిన డివివి దానయ్య ఈ చిత్రాన్ని నిర్మిస్తున్నాడు.