Allu arjun అల్లు అర్జున్ ఇప్పుడు పాన్ ఇండియా స్టార్ గా దూసుకుపోతున్నాడు. అతనే కాదు మన సౌత్ ఇండియా నుంచి చాలామంది ఇలా పాన్ ఇండియా స్టార్లు అవతరిస్తున్నారు. ఒక రకంగా చెప్పాలంటే బాలీవుడ్ హీరోల కంటే కూడా మన సౌత్ హీరోలకే అన్ని భాషల్లో అభిమానులు ఉంటున్నారు. మన హీరోల సినిమాలకే ఎక్కువ కలెక్షన్లు వస్తున్నాయి.
రాజమౌళి, ప్రశాంత్ నీల్ లాంటి స్టార్ డైరెక్టర్ల సపోర్ట్ లేకపోయినా సరే అల్లు అర్జున్ సొంతంగా ఎదిగాడు. సుకుమార్ దర్శకత్వంలో వచ్చిన పుష్ప సినిమా బన్నీ మార్కెట్ ను అమాంతం పెంచేసింది. దీని తర్వాత చాలా సర్వేల్లో ఇండియాలోనే టాప్ హీరోల లిస్టు తీస్తే అందులో టాప్-5లోనే కనిపించాడు బన్నీ.
అయితే ఇప్పుడు బాలీవుడ్ సీనియర్ యాక్టర్ అయిన ఆదిత్య ఓం చేసిన కామెంట్లు బన్నీ ఫ్యాన్స్ ను ఖుషీ చేస్తున్నాయి. ఆయన మాట్లాడుతూ.. నార్త్ ఇండియాలో బన్నీ క్రేజ్ చూస్తుంటే మతి పోతోంది. కచ్చితంగా ఇండియాలోనే ఆయనే నెంబర్ వన్ హీరో. అందులో ఎలాంటి డౌట్ లేదు.
ఇక నెంబర్ 2 హీరో ప్రభాస్, నెంబర్ 3 యశ్ ఉంటారు అంటూ స్టేట్ మెంట్ ఇచ్చేశాడు. దాంతో ఆయన చేసిన కామెంట్లు ఇప్పుడు వైరల్ చేస్తున్నారు బన్నీ ఫ్యాన్స్. తగ్గేదేలే అంటూ హ్యాష్ ట్యాగ్ తో ట్రెండ్ చేస్తున్నారు. ప్రస్తుతం బన్నీ పుష్ప-2 సినిమా చేస్తున్నాడు. దాని తర్వాత మళ్లీ త్రివిక్రమ్ తో నాలుగో సినిమాను చేయబోతున్నాడు. పుష్ప-2 మూవీ వచ్చే ఏడాదిలో రిలీజ్ అవుతున్నట్టు తెలుస్తోంది. ప్రస్తుతం షూటింగ్ శరవేగంగా జరుపుకుంటోంది ఈ సినిమా.
