ఎన్టీఆర్ – కొరటాల శివ కాంబినేషన్ లో సినిమా ఎప్పుడో స్టార్ట్ కావాల్సి ఉండే . ఈపాటికి షూటింగ్ కూడా దాదాపుగా అయిపోవాలి ముందుగా అనుకున్న షెడ్యూల్స్ ప్రకారమైతే. ఆర్ ఆర్ ఆర్ వల్ల కొన్నాళ్ళు షూటింగ్ వాయిదా పడింది. ఆ తర్వాత ఆచార్య సినిమా ప్లాప్ కావడంతో వాయిదాల మీద వాయిదాలు పడుతూనే ఉంది. మెగాస్టార్ చిరంజీవి – చరణ్ లు కలిసి నటించిన ఆచార్య అట్టర్ ప్లాప్ అయ్యింది. దాంతో ఎన్టీఆర్ బ్రేకులు వేసాడు.
మొత్తం స్క్రిప్ట్ వర్క్ కంప్లీట్ అయ్యాక అది నచ్చితేనే చేద్దాం లేదంటే లేదు అంటూ ఎన్టీఆర్ పట్టుబట్టడంతో పాపం కొరటాల శివకు ఎక్కడాలేని కష్టాలు వచ్చాయి. రకరకాలుగా ఎన్టీఆర్ కు స్క్రిప్ట్ చెప్పాడు…. ఎన్టీఆర్ వినడం మార్పులు చెప్పడం ….. దాంతో ఇలా వాయిదాల మీద వాయిదాలు పడుతోంది.
అయితే తాజాగా అందుతున్న సమాచారం ప్రకారం నవంబర్ లో ఈ సినిమా సెట్స్ మీదకు వెళ్లడం ఖాయమని తెలుస్తోంది. హైదరాబాద్ లో వేసిన భారీ సెట్ లో ఈ సినిమా షూటింగ్ స్టార్ట్ కానుందట. ఇక ఈ చిత్రంలో హీరోయిన్ గా రష్మిక మందన్న నటించనున్నట్లు తెలుస్తోంది.