రెబల్ స్టార్ మోస్ట్ అవెయిటెడ్ మూవీల్లో ఒకటి ప్రాజెక్ట్ కే. ప్రభాస్ కెరీర్ లో భారీ బడ్జెట్ తో రాబోతున్న ఈ మూవీపై భారీ అంచనాలే ఉన్నాయి. సక్సెస్ పుల్ డైరెక్టర్ నాగ్ అశ్విన్ దీన్ని డైరెక్ట్ చేస్తుండటంతో మంచి క్రేజ్ ఏర్పడింది. ఇంకా సీరియస్ గా సెట్స్ పైకి వెళ్లని ఈ మూవీ గురించి తరచూ ఏదో ఒక ఇంట్రెస్టింగ్ న్యూస్ బయటకు వస్తూనే ఉంది. ఇప్పటిదాకా ఈ సినిమా స్టోరీ గురించి అనేక డిబేట్లు జరిగాయి. .ప్రాజెక్ట్ కే సినిమాకు మైథలాజికల్ టచ్ ఇచ్చారని.. లార్డ్ కృష్ణ ప్రస్తావనతో కూడిన సోషియో ఫాంటసీ చిత్రమని ఇలా చాలా మాటలు వినబడ్డాయి. తాజాగా ఈ సినిమా టైటిల్ , స్టోరీలకు సంబంధించి ఓ ఇంట్రెస్టింగ్ మేటర్ ఒకటి హల్ చల్ చేస్తోంది.
ప్రాజెక్ట్ కేలో కే అంటే.. కృష్ణుడు, లేదంటే కర్ణుడు అయ్యి ఉంటుందన్న ప్రచారం జరుగుతోంది. అంతే కాదు దర్శకుడు నాగ్ అశ్విన్ ఈ ప్రాజెక్టును ఓ యజ్ఞం లా చేయబోతున్నట్టుగా తెలుస్తోంది. అంటే ఇది ఒక్క సినిమాగా కాకుండా.. ఓ సిరీస్లా తెరకెక్కించాలని భావిస్తున్నాడట.కనీసం ఏడెనిమిది సినిమాలుగా ఈ ప్రాజెక్టును తెరకెక్కించాలనుకుంటున్నాడట. మరో ఇంట్రెస్టింగ్ థింగ్ ఏమిటంటే.. ఒక్కో పాత్రకి ఒక్కో హీరోని తీసుకునే ఆలోచనలో ఉన్నారట దీని మేకర్స్. ఒక్కో పార్ట్ ని ఒక్కో పాత్రతో, అందుకు తగ్గట్టుగా మరో హీరోతో ఈ సినిమాని తెరకెక్కించాలనుకుంటున్నారట.
ప్రాజెక్ట్ కే స్టోరీ విషయానికి వస్తే.. సూపర్ హీరో బ్యాక్ డ్రాప్ లో యుద్ధ వీరుల కథతో సినిమా సాగుతుందనే ప్రచారం నడుస్తోంది. ఇందులో పౌరాణిక, ఇతిహాసాల అంశాలుంటాయని అంటున్నారు. మరికొందరేమో హాలీవుడ్ సూపర్ హీరోల కథని పోలి ఉంటుందని అంటున్నారు. పోస్టర్లలో కూడా ఓ వైపు పౌరాణికత, మరోవైపు లేటెస్ట్ ట్రెండ్ కనిపిస్తుంది. భూత, భవిష్యత్ కాలాల మేళవింపుగా, టైమ్ ట్రావెల్ కథతో ఈ చిత్రాన్ని తెరకెక్కిస్తున్నారనే టాక్ కూడా ఉంది. చూడాలి మరి ఇంకా ఈ సినిమా గురించి ఎన్ని ఆసక్తికర విషయాలు వినాల్సి వస్తుందో ఫ్యూచర్ లో..