యంగ్ రెబల్ స్టార్ ప్రభాస్ నటిస్తోన్న సలార్ మూవీకి సంబంధించి మరో అప్డేట్ వచ్చింది. మూవీలో ప్రభాష్ డ్యుయల్ రోల్ చేస్తున్నట్లు వార్తలువినిపిస్తున్నాయి. రెండు పార్టులుగా వస్తోన్న సలార్లో ప్రభాష్.. కంప్లీట్ నెగిటివ్ షేడ్స్ ఉన్న పాత్రలో కనిపిస్తారట. సలార్ డైరెక్టర్ ప్రశాంత్ నీల్ అంతకుముందు తీసిన కేజీఎఫ్ సిరీస్లో హీరో క్యారెక్టర్ రాఖీభాయ్ కూడా అలా ఉంటుంది. సలార్లో కూడా అలాంటి క్యారెక్టర్ కావడంతో మూవీపై మరింత హైప్ పెరిగింది.
సలార్ మూవీ కూడా రెండు పార్టులుగా రానుంది. ఫస్ట్ పార్ట్ సెప్టెంబర్ 28వ తేదీన రిలీజ్ చేస్తారట. సలార్లో ఒక రోల్లో ప్రభాష్ మాఫియా డాన్ పాత్రలో కనిపిస్తారు. మాఫియా డాన్గా ఎదిగేందుకు ఏం చేశాడు..? ఏ మార్గాన్ని ఎంచుకున్నాడనేది కథాంశం. తాను ఎదిగేందుకు ఎందరితో ప్రభాష్ తలపడ్డనేవి మూవీలో కనిపించనున్నాయి. సలార్ మూవీలో తండ్రి కొడుకుల సెంటిమెంట్ ఉండనుంది. తల్లి కొడుకుల సెంటిమెంట్ కూడా ఉంటుందట. కేజీఎఫ్ మూవీలో కూడా తల్లి కొడుకుల సెంటిమెంట్ ఉన్న సంగతి తెలిసిందే. ఇప్పటివరకు చేయని రోల్లో ప్రశాంత్ నీల్ పాత్ర రూపొందించారట.
మూవీలో రాఖీభాయ్ తరహా రోల్లో ప్రభాస్ కనిపిస్తారట. అతనిని డైరెక్టర్ ప్రశాంత్ నీల్ మాస్ హీరోగా ఎలివేట్ చేస్తారట. ఒకప్పుడు హీరో అంటే మంచి రోల్.. కానీ ఇప్పుడు ట్రెండ్ మారింది. విలన్ షేడ్లో రోల్ చేసినా.. హీరోనే అవుతున్నారు. దానికి కేజీఎఫ్.. మిగతా కొన్ని సినిమాలు కూడా ఉన్నాయి. ఆ కోవలో ఇప్పుడు ప్రభాష్ చేరిపోతున్నారు. ప్రభాస్ చేతిలో ఆదిపురుష్, సలార్, డైరెక్టర్ మారుతి మూవీ, ప్రాజెక్ట్ కే సినిమాలు ఉన్నాయి. ఈ ఏడాది ఆదిపురుష్, సలార్ పార్ట్-1 రిలీజ్ కానున్నాయి.