ఐకాన్ స్టార్ అల్లు అర్జున్ అభిమానులకు శుభవార్త …….. పుష్ప 2 టీజర్ ను రెడీ చేస్తున్నారు పుష్ప మేకర్స్. ఇంతకీ ఈ టీజర్ వచ్చేది ఎప్పుడో తెలుసా ……. ఏప్రిల్ 8 న. అవును ఈరోజే పుష్ప 2 టీజర్ రిలీజ్ ఎందుకో తెలుసా ……. ఆరోజు అల్లు అర్జున్ పుట్టినరోజు కావడమే ! ఏప్రిల్ 8 న అల్లు అర్జున్ పుట్టినరోజు కావడంతో పుష్ప 2 టీజర్ ను విడుదల చేయడానికి సన్నాహాలు చేస్తున్నారు.
దాదాపు 3 నిమిషాల నిడివితో ఈ టీజర్ ను కట్ చేస్తున్నారట. 2021 డిసెంబర్ లో విడుదలైన పుష్ప బ్లాక్ బస్టర్ అయిన విషయం తెలిసిందే. మొదట్లో ఈ సినిమాను కేవలం తెలుగులోనే అనుకున్నారు. అయితే ఈ కథ దర్శకుడు ఎస్ ఎస్ రాజమౌళికి చెప్పడంతో ఇది తెలుగుకు మాత్రమే పరిమితం అయ్యే సినిమా కాదు పాన్ ఇండియా చిత్రం కాబట్టి అలా ప్లాన్ చేయండి అని సలహా ఇచ్చాడట సుకుమార్ కు.
ఇంకేముంది సుకుమార్ జక్కన్న సలహా పాటించాడు. తెలుగు , తమిళ , మలయాళం , కన్నడం , హిందీ భాషల్లో విడుదల చేయగా బాక్సాఫీస్ ను బద్దలుకొట్టింది. దాంతో ఇప్పుడు పుష్ప 2 తీస్తున్నారు. పుష్ప 2 ప్రస్తుతం సెట్స్ మీద ఉంది. ఈ సినిమా బడ్జెట్ ఏకంగా 400 కోట్లని తెలుస్తోంది. రష్మిక మందన్న హీరోయిన్ గా నటిస్తున్న ఈ చిత్రంలో ఫహద్ ఫాజిల్ , అనసూయ , సునీల్ తదితరులు నటిస్తున్నారు. పుష్ప లో సమంత ఐటెం సాంగ్ సంచలనం సృష్టించగా పుష్ప 2 లో బాలీవుడ్ భామ చేత ఐటెం సాంగ్ చేయించనున్నట్లు తెలుస్తోంది.