Megastar Family In Italy : మెగా స్టార్ ఇప్పుడు కాస్త రిలాక్స్ అవుతున్నారు. ఎందుకంటే ఇప్పుడు మెగా ఫ్యామిలీ అంతా ఫుల్ జోష్ లో ఉంది. ఎందుకంటే మెగా ప్రిన్స్ వరుణ్ తేజ్ మరికొన్ని గంటల్లో పెండ్లి పీటలు ఎక్కబోతున్నాడు. ఇప్పటికే వరుతేజ్ కు తాను ప్రేమించిన లావణ్య త్రిపాఠితో గత జూన్ 9న కుటుంబ సభ్యుల నడుమ వైభవంగా ఎంగేజ్ మెంట్ జరిగిన విషయం తెలిసిందే.
అయితే వెడ్డింగ్ కోసం మాత్రం గ్రాండ్ గా ఏర్పాట్లు చేసినట్టు తెలుస్తోంది. ఎంగేజ్ మెంట్ లాగానే వెడ్డింగ్ కు కూడా కేవలం మెగా కుటుంబ సభ్యులు మాత్రమే వెళ్లారు. మెగాస్టార్ చిరంజీవి తన కూతుర్లు సుష్మిత, శ్రీతో పాటు తన కొడుకు రామ్ చరణ్, కోడలు ఉపాసనతో పాటు తన భార్య సురేఖ, మనవలు, మనవరాళ్లతో సహా ఇటలీలోని టస్కానీ వెళ్లారు.
వారి కంటే ముందే నాగబాబు ఫ్యామిలీ ఇటలీకి చేరుకుని అక్కడ ఏర్పాట్లు చేసింది. అయితే తాజాగా మెగా ప్రిన్స్ వరుణ్ తేజ్ పెళ్లి కోసం అక్కడ అందాలను ఎంజాయ్ చేస్తూ ఓ ఫోటోను పంచుకున్నారు. ఆ ఫోటోలో చిరంజీవితో పాటు రామ్ చరణ్, ఉపాసనలు, సురేఖ, సుష్మిత, శ్రీజ, అటు ఉపాసన ఫ్యామిలీ కూడా ఉన్నారు. ఇందుకు సంబంధించిన ఫొటో ఇప్పుడు సోషల్ మీడియాలో వైరల్ అవుతోంది.
ఇందులో చిరంజీవి చాలా యంగ్ లుక్ లో కనిపిస్తున్నారు. చాలా రోజుల తర్వాత ఆయన మళ్లీ పాత లుక్ లోకి వచ్చినట్టు తెలుస్తోంది. ఇక చివరగా చిరంజీవి నటించిన భోళా శంకర్ భారీ డిజాస్టర్ అయిన సంగతి తెలిసిందే. రామ్ చరణ్ ఇప్పుడు గేమ్ చేంజర్ మూవీలో నటిస్తున్నాడు. వరుణ్ తేజ్ చేతిలో కూడా మూడు సినిమాలు ఉన్నట్టు తెలుస్తోంది.
