Prabhas : ప్రస్తుతం టాలీవుడ్ లో స్టార్ యంగ్ హీరో ఎవరంటే గుర్తుకు వచ్చే ఫస్ట్ పేరు ప్రభాస్. ఆయన కటౌట్ ఒక్కటి చాలు ఇండస్ట్రీని పాన్ ఇండియా రేంజ్ లోకి తీసుకెళ్లేందుకు. కేవలం ఆయన నటించాడు కాబట్టే రికార్డ్ కలెక్షన్లు రాబట్టిన సినిమాలు ఎన్నో ఉన్నాయి. బాహుబలి నుంచి ఆయన కెరీర్ భారీగా మలుపు తిగిరిందని అందరికీ తెలుసు. బాహుబలి 2 ముగిసిన తర్వాత ప్రతస్తుం కొనసాగుతున్న సలార్ వరకు ఆయనకు భారీ హిట్ పడిన సినిమా లేదు.
ఆయన ఇటీవల రాజమౌళిని, ప్రశాంత్ నీల్ ను కంపేర్ చేశారు. తనలోని నటనను ఇద్దరు డైరెక్టర్లు మాత్రమే పూర్తిగా లాక్కోగలిగారన్నారు. ‘ఛత్రపతి’, ‘బాహుబలి: ది బిగినింగ్ మరియు ‘బాహుబలి: ది కన్‌క్లూజన్’ వంటి ప్రముఖ చిత్రాల్లో అతనితో కలిసి పనిచేసిన రాజమౌళి తన సామర్థ్యాన్ని గుర్తించిన మొదటి వ్యక్తి. ఇక మరో డైరెక్టర్ ప్రశాంత్ నీల్.
సలార్ కు నీల్ తనతోనే చేస్తానని పట్టుబట్టాడు. ఉగ్రం నుంచే నీల్ గురించి తెలుసు కానీ కేజీఎఫ్ తర్వాత తను కూడా ఆయన దర్శకత్వంలో పని చేయాలని అనుకున్నాను. సలార్ తో కలిసి వచ్చింది. రాజమౌళి మరియు ప్రశాంత్ నీల్ నేను కలిసి పనిచేసిన అత్యంత అసాధారణమైన దర్శకులు అని ప్రభాస్ పేర్కొన్నాడు.
థియేటర్ అనుభవాల విషయానికి వస్తే ప్రేక్షకుల ప్రాధాన్యతలు, సగటు వ్యక్తి అంచనాలపై వారికి అవగాహన ఉందని ఆయన అన్నారు. ‘సలార్’ విజయానికి నీల్ కథను గ్రాండ్ మరియు ఆకర్షణీయమైన శైలిలో అద్భుతమైన విజువల్స్‌తో అందించడమే కారణమని ప్రభాస్ పేర్కొన్నాడు.
