Former TANA President Satish With Chandrababu : ‘స్కిల్ స్కాం’ చంద్రబాబు నాయుడు 50 రోజులకు పైగా జైలు జీవితం అనుభవించి నిన్న (నవంబర్ 1) బయటకు వచ్చాడు. ఆయన అనారోగ్యం దృష్ట్యా హై కోర్టు మూడు వారాల బెయిల్ ఇచ్చింది.. కంటికి శస్త్ర చికిత్స చేయించుకోవాలని ఆయన అభ్యర్థనను కోర్టు పరిగణలోకి తీసుకొని ఈ బెయిల్ మంజూరు చేసింది. దీంతో ఆయన రాజమండ్రిలోకి కేంద్ర కారాగారం నుంచి కరకట్టలోని తన ఇంటికి చేరుకున్నారు. కేవలం 2 గంటలు సాగాల్సిన ప్రయాణం 14 గంటల వరకు సాగింది.
చంద్రబాబు అభిమానులు, పార్టీ నాయకులు, టీడీపీ నేతలను ఆయనకు స్వాగతం పలికారు. దారి వెంట వచ్చేందుకు తీవ్ర ట్రాఫిక్ జాం ఉండడంతో ఆయనకు 12 గంటలకు పైగా పట్టింది. తమ నేతను చాలా కాలం తర్వాత చూసుకున్న ఆంధ్రప్రదేశ్ ప్రజలు భావోద్వేగానికి గురయ్యారు. కొన్ని చోట్ల డప్పుచప్పుళ్లు పెట్టి డ్యాన్స్ లు చేస్తూ మరీ ఆహ్వానించారు. ఇక ఇంటికి వచ్చిన చంద్రబాబుకు ఆయన భార్య భవనేశ్వరి దిష్టి తీయగా కొడుకు కోడలు ఆప్యాయంగా పలకరించారు. ఆయన మనుమడిని చూసుకున్న బాబు తీవ్ర భావోద్వేగానికి లోనయ్యారు.
ఒక్కొక్కరుగా చంద్రబాబును పలకరించేందుకు కరకట్టలోని ఆయన నివాసానికి వస్తున్నారు. ఆయనను పలకరిస్తూ యోగక్షేమాలను ఆరా తీస్తున్నారు. ఇందులో భాగంగా TANA (తెలుగు అసోసియేషన్ ఆఫ్ నార్త్ అమెరికా) సభ్యుడు మాజీ అధ్యక్షుడు సతీశ్ వేమన నిన్న (నవంబర్ 1) కరకట్టలోని ఆయన నివాసానికి వెళ్లి పలకరించారు చంద్రబాబుతో మాట్లాడారు. ఆరోగ్యం గురించి ప్రస్తావించిన ఆయనతో బాబు మాట్లాడారు. అనంతరం సతీశ్ మాట్లాడుతూ తామంతా బాబు వెంటే ఉంటామని స్పష్టం చేశారు.