Tribute to Natasekhar : నట శేఖరుడు, సూపర్ స్టార్ కృష్ణ 80వ జయంతి సందర్భంగా ఆయనను చిత్ర పరిశ్రమ స్మరించుకుంటోంది. ఆయన ఈ తరం వారికి మిగిల్చిన అపురూపమైన వారసత్వాన్ని అందిపుచ్చుకోవాలి. సినిమా ప్రపంచానికి ఆయన చేసిన కృషి, ఇండస్ట్రీ పట్ల ఆయనకున్న అంకితభావం, దాతృత్వం ముందు తరాలకు స్ఫూర్తినివ్వడంతో పాటు ప్రభావితం చేస్తూనే ఉంటాయి. అతన టాలీవడ్ కాదు.. భారతీయ సినిమా ఐకాన్, ట్రైల్‌ బ్లేజర్, లెజెండ్‌గా ఎప్పటికీ గుర్తుండిపోతారు.
ఆయన హీరోగా కొనసాగుతున్న కాలంలో వైవిధ్య భరితమైన పాత్ర వేయాలంటే ప్రతీ దర్శకుడు హీరో కృష్ణనే సంప్రదించేవారు. తెలుగు సినిమామ తల్లికి జేమ్స్ బాండ్, కౌబాయ్, అల్లూరి సితారామరాజు లాంటి పాత్రలను అందించింది ఆయనే. ఆయన సినిమాల్లోనే కాదు బయట కూడా మంచి మనస్సున్న హీరో. తాను హీరోగా చేసిన ఏ సినిమా అయినా ఫెయిల్ అయితే నిర్మాతకు తన రెమ్యునరేషన్ తిరిగి ఇచ్చేవారు ఆయన. నిర్మాత నష్టపోతే ఇండస్ట్రీ కూలిపోతుందని భావించిన ఆయన ఈ విషయాన్ని తన కో ఆర్టిస్టులతో ఎప్పుడూ చెప్పేవారు.
సూపర్ స్టార్ కృష్ణ జై స్వరాజ్ టీవీ, వెబ్ ఛానల్ అధినేత, యూ బ్లడ్ ఫౌండర్ డాక్టర్ జై యలమంచిలి నివాళులర్పించారు. ఆయన చేసిన సేవలను గుర్తుకు చేసుకున్నారు. ఆయన ఏమన్నారంటే ఆయన మాటల్లోనే.. ‘తొమ్మిది కోట్ల తెలుగు వారికి హృదయ స్పందన సూపర్ స్టార్ కృష్ణ. అందరూ ఒప్పుకునే ఆజాత శత్రువు ఆయన. ఎటువంటి విషయాల్లోనూ ఆయన డిస్ట్రబ్ కాకుండా నిలకడగా నిశ్చలంగా ఉంటారు ఆయన. మంచి హృదయం మంచి పలకరింపుతో ఉంటారు. పవిత్రంగా ఉండడం అంటే కష్టం కానీ ఆయన అలానే ఉండేవారు. ఆయనలోని బ్యాలన్స్, చిరునవ్వు, ఏమయ్యా ఎలా ఉన్నావు అంటూ ఆయన పలకరింపు సొంత వాళ్ల నుంచి ఫ్యామిలీ మెంబర్స్ వరకూ కృష్ణ గారి పలకరింపు ఒకేలా ఉంటుంది. ఇలా ఆయన ఒక శిఖరం’ అంటూ చెప్పారు జై యలమంచిలి.
