Telugu Pride NTR : న్యూయార్క్ టైం స్క్వైర్.. అమెరికాలోని ఈ ప్రాంతం ఎన్నో పోరాటాలకు, సంస్కృతి, సంప్రదాయాలకు కేంద్రం. ప్రజల బాధ అయినా.. సంబరాలు అయినా ఇక్కడే ప్రదర్శిస్తారు. ఇక్కడ ప్రదర్శిస్తే అది అమెరికన్ల అందరి మనోభావాలకు ప్రతీక. అలాంటి చోట మన తెలుగోటి వైభవం ఎగిరింది. మన ఎన్టీఆర్ నిలువెత్త విగ్రహం ఠీవీగా నిలబడింది. ఇది తెలుగు వారికి దక్కిన గౌరవంగా చెప్పొచ్చు.
అసలు ఎన్టీఆర్ అంటేనే తెలుగు వెలుగు. అప్పటి వరకూ మద్రాసి అన్న ముద్రను చెరిపేసి అనాదిగా కుట్రలు, కుంభకోణాలతో సాగుతున్న కాంగ్రెస్ ను ఓడించి తెలుగు నాట 9 నెలల్లోనే అధికారం సంపాదించిన మన గొప్ప నేత, కళాకారుడు ఎన్టీఆర్. సినిమాల్లో అన్నేళ్లు చేసి నటసార్వభౌముడిగా ఎదిగి టాలీవుడ్ లోనే నంబర్ 1 స్థాయికి చేరుకున్నారు. అనంతరం ప్రజా సేవ కోసం తపించి రాజకీయాల్లోకి వచ్చారు.
రాజకీయాల్లోనూ రూ.2లకే కిలో బియ్యం, పట్వారీ పటేల్ వ్యవస్థ రద్దు సహా మండలాలు ప్రవేశపెట్టి ఎన్నో గొప్ప సంస్కరణలు చేసి పేదల కష్టాలు తీర్చి దేవుడిగా నిలిచాడు. అలాంటి ఎన్టీఆర్ శతజయంతిని తెలుగు ప్రజలే కాదు.. అమెరికాలోని ప్రవాసులు ఘనంగా చేస్తున్నారు.
అందుకే తాజాగా అమెరికాలోని ప్రతిష్టాత్మక న్యూయార్క్ టైం స్క్కైర్ వద్ద ఎన్టీఆర్ నిలువెత్తు కటౌట్ ను ఆవిష్కరించారు. ప్రతి తెలుగువాడు ఉప్పొంగేలా తీర్చిదిద్దారు. ఇది అమెరికాలో తెలుగువాళ్లకు దక్కిన గొప్ప గౌరవంగా చెప్పొచ్చు.
న్యూయార్క్ టైంస్క్వేర్ పైన విశ్వవిఖ్యాత నటసార్వభౌమ నటరత్న నందమూరి తారక రామారావు గారి విజయ దరహాసం చూపరులను ఆకట్టుకుంటోంది.. మొట్టమొదటి సారిగా 200 అడుగులు ఎత్తు, 36 అడుగులు వెడల్పుతో తెలుగు వ్యక్తికి న్యూయార్క్ టైంస్క్వేర్ పైన దక్కుతున్న అరుదైన గౌరవంగా దీన్ని చెప్పొచ్చు..
అమెరికా కాలమానం ప్రకారం మే 27 అర్ధరాత్రి నుంచి మే 28 అర్ధరాత్రి వరకు 24 గంటల పాటు ప్రతి 4 నిమిషాలకు ఒకసారి 15 సెకన్ల చొప్పున ‘అన్న ఎన్టీఆర్’ చిత్రమాలిక న్యూయార్క్ టైం స్క్వైర్ వద్ద తళుకులీననుంది. శకపురుషునికి NRI TDP USA అందిస్తున్న శతజయంతి నీరాజనంగా దీన్ని అభివర్ణిస్తున్నారు.
