Vadivelu Wife in Chandramukhi : సూపర్ స్టార్ రజనీకాంత్ కెరీర్ లో చెప్పుకోదగ్గ సినిమాల్లో ‘చంద్రముఖి’ ఒకటి. 2005లో రిలీజైన ఈ మూవీ సంచలనాలను నమోదు చేసింది.
రజనీ ఆల్ టైమ్ బ్లాక్ బస్టర్ గా నిలిచింది. డైరెక్టర్ పి వాసు ఈ సినిమాతో మరింత ఫేమస్ అయ్యారు. తమిళంలో కాకుండా తెలుగులో సెన్షేషన్ క్రియేట్ చేసింది.
ప్రభు, జ్యోతిక, నయనతార, నాజర్, వినీత్, వడివేలు కీలక పాత్రల్లో కనిపించారు. వసూళ్ల పరంగా 2005లో రికార్డ్ ను క్రియేట్ చేసింది. ఇందులో రజినీ, వడివేలు మధ్య కామెడీ బాగా పండింది. వడివేలు భార్యగా నటించిన నటించింది సువర్ణ మాథ్యూ సినిమాలో కూడా ఆమె పేరు సువర్ణగా పెట్టారు.
ఈ సినిమాలో రజినీకాంత్ నుంచి సువర్ణను వడివేలు కాపాడుకునే సీన్స్ కడుపుబ్బా నవ్వించాయి. ఈ మూవీ తర్వాత కొన్ని చిత్రాల్లో నటించిన సువర్ణ.. ఆ తర్వాత ఇండస్ట్రీకి దూరమైంది. థాయ్ మనసు మూవీతో సినీరంగ ప్రవేశం చేసిన సువర్ణ.. మయాబజార్, పెరియతంబి, గోకులంలో సీత వంటి చిత్రాల్లో నటించింది.
1990లో తమిళం, మలయాళం భాషల్లో చాలా సినిమాలు చేసింది. తెలుగులోనూ కనిపించింది. వివాహం తర్వాత సినిమాలకు కొంత దూరంగా ఉన్న సువర్ణ.. ఇప్పుడు సోషల్ మీడియాలో యాక్టివ్ అయ్యింది. తన ఇన్ స్టాగ్రామ్ ఖాతాలో ఫ్యామిలీ, ఫిల్లల ఫొటోస్ షేర్ చేస్తుంది. తాజాగా ఆమె షేర్ చేసిన ఫొటోస్ చూసి ఆశ్చర్యపోతున్నారు నెటిజన్స్. ఎందుకంటే చంద్రముఖిలో కనిపించిన సువర్ణ.. అంతకంటే మరింత అందంగా కనిపిస్తుందని కామెంట్స్ చేస్తున్నారు.
1992లో సువర్ణ మిస్ కేరళ టైటిల్ సొంతం చేసుకుంది. ఆ తర్వాతే సినీ ఇండస్ట్రీలోకి వచ్చింది. 2003లో వర్గీస్ జాకబ్ అనే వ్యక్తిని వివాహం చేసుకుంది. వీరికి కొడుకు జాకబ్, కుమార్తె జియా ఉన్నారు. పెళ్లి తర్వాత ఫ్యామిలీతో కలిసి అమెరికాలోని ఫిలడెల్ఫియాలో సెటిలైంది. ప్రస్తుతం సువర్ణ ఇన్ స్టా ఫొటోస్ వైరల్ అవుతున్నాయి.