Shah Rukh Movie : ప్రస్తుతం టాలీవుడ్ లో ప్రముఖ సంగీత దర్శకుడిగా అనిరుద్ పేరు వినిపిస్తోంది. జైలర్ సినిమాలో ఆయన అందించిన సంగీతానికి ఎంతో మంచి పేరు వచ్చింది. దీంతో అనిరుద్ పేరు గొప్పగా మారుమోగుతోంది. అవకాశాలు కూడా వచ్చి పడుతున్నాయి. తాజాగా బాలీవుడ్ సూపర్ స్టార్ షారుక్ ఖాన్ సినిమాకు సంగీతం అందించే అవకాశం రావడం గమనార్హం.
అనిరుద్ గతంలో పవన్ కల్యాణ్ హీరోగా వచ్చిన అజ్ణాతవాసి సినిమాకు సంగీతం అందించిన సంగతి తెలిసిందే. అయితే ఆ సినిమా డిజాస్టర్ కావడంతో అతడికి సరైన పేరు దక్కలేదు. కానీ ఇప్పుడు అతడి సత్తా బాలీవుడ్ గుర్తించడంతో షారుక్ ఖాన్ సినిమాకు సంగీతం అందించే అవకాశం దక్కడం విశేషం. ఈ క్రమంలో అనిరుద్ ఇంకా ఏ స్థాయికి వెళతాడో తెలియడం లేదు.
షారుక్ ఖాన్ హీరోగా తెరకెక్కుతున్న సినిమా జవాన్. ఈ సినిమాలో రెండు పాటలు స్వరకల్పన చేశాడు అనిరుద్. అయితే అవి అజ్ణాతవాసి సినిమాలోని పాటలను పోలి ఉన్నాయనే వాదన వస్తోంది. దీంతో బాలీవుడ్ లో అవకాశం దక్కించుకున్నా పాటల స్వరకల్పనలో కాపీ పాటలు ఉండటంతో అందరు ఆశ్చర్యపోతున్నారు. అందులో గాలివాలుగా.. బయటకొచ్చి చూస్తే వంటి పాటలు పరిశీలిస్తే అర్థమవుతుంది.
జవాన్ సినిమాకు సంగీతం అందిస్తుండటంతో మిగతా పాటలు ఎలా ఉంటాయో అనే అనుమానాలు అందరిలో వస్తున్నాయి. బాలీవుడ్ లో వచ్చిన అవకాశాన్ని సద్వినియోగం చేసుకోవాల్సి ఉన్నా ఇలా కాపీలు చేయడం వల్ల వచ్చే అవకాశాలు కూడా రావడం కష్టమేననే వాదనలు వస్తున్నాయి. ఏంటిది అనిరుద్ అని అందరు అవాక్కవుతున్నారు.