Chaitu Movie : తెలుగు ఇండస్ట్రీలో అక్కినేని నాగ చైతన్య యువ హీరోగా ఇండస్ట్రీలోకి అడుగు పెట్టాడు.. ఈయన వరుసగా నాలుగైదు సినిమాలతో హిట్స్ అందుకున్నాడు..దీంతో అక్కినేని హీరో ఇండస్ట్రీలో నిలదొక్కుకున్నాడు అని అనుకున్నారు.. అయితే గత రెండు సినిమాల నుండి ఈయన ప్లాప్ అందుకున్నాడు.. థాంక్యూ, లాల్ సింగ్ చడ్డా వంటి ప్లాపులతో వెనుక బడ్డ చైతూ కస్టడీ సినిమాతో అయిన హిట్ అందుకుంటాడు అని అనుకున్నారు.
తమిళ్ డైరెక్టర్ వెంకట్ ప్రభు దర్శకత్వంలో తెరకెక్కిన కస్టడీ సినిమా తమిళ్, తెలుగు భాషల్లో రిలీజ్ అయ్యింది. ఈ సినిమా మే 12న గ్రాండ్ గా రిలీజ్ అయ్యింది.. కానీ ఇది కూడా చైతుకు నిరాశనే మిగిల్చింది.. ఈయన సినీ ఇండస్ట్రీ లోకి హీరోగా ఎంట్రీ ఇచ్చి 14 ఏళ్ళు కావొస్తుంది. ఏ మాయ చేసావే సినిమాతో సూపర్ హిట్ అందుకున్న చైతూ ఆ తర్వాత ఎన్నో హిట్ సినిమాల్లో నటించాడు.
ఈ మధ్య పరాజయాలు చవి చూస్తున్న ఈ అక్కినేని హీరో మూడు ప్లాప్స్ అందుకున్నాడు.. మరి నెక్స్ట్ సినిమా అయిన ఎలాగైనా హిట్ అందుకోవాలని ట్రై చేస్తున్నాడు.. అందుకు ఇప్పుడు ఎవరు ఊహించని పాత్రను చేయబోతున్నట్టు తెలుస్తుంది. నాగ చైతన్య గీతా ఆర్ట్స్ బ్యానర్ పై ఒక సినిమా చేయనున్నాడు అని తెలుస్తుంది..
అధికారికంగా ప్రకటించినప్పటికీ ఈ సినిమాకు చందు మొండేటి ఈ సినిమాకు డైరెక్టర్ గా చేస్తారని తెలుస్తుంది.. ఈ సినిమా త్వరలోనే అధికారికంగా ప్రకటన రాబోతుంది అని ఆ వెంటనే సెట్స్ మీదకు వెళ్లనుందని టాక్.. ఈ సినిమా గురించి నిర్మాత బన్నీ వాసు ఆసక్తికర విషయాలను వెల్లడించాడు.. మూవీ కథ, హీరో పాత్ర తదితర అంశాలు తెలిపారు..
”బ్యానర్ లో నాగ చైతన్యతో సినిమా ఉంటుందని.. హీరో క్యారెక్టర్ తండేలుగా ఉంటుందని తెలిపారు.. బోటులను నడిపే వారిని తండేలు అంటారు అనే విషయం తెలిసిందే.. అది చాలా పాత పదం” అని బన్నీ వాసు పేర్కొన్నారు. గుజరాత్ లోని ఒక వ్యక్తి నిజ జీవితంలో జరిగిన సంఘటనల ఆధారంగా ఈ సినిమా కథ ఉంటుందని.. ఇది ఒక అందమైన ప్రేమ కథ.. ఊహించని ట్విస్టులు, టర్న్స్ ఉంటాయని.. బోట్ డ్రైవర్ పాత్రలో చైతూ నటించ నున్నారు” అంటూ తెలిపారు.. ఈ కథ వింటే ఈసారి హిట్ అందుకుంటాడు అనిపిస్తుంది.
