Prabhas Aadhaar Card :
పాన్ ఇండియా స్టార్ ప్రభాస్. బాహుబలితో తన ఖ్యాతి పెరిగిపోయింది. ఒక్కసారిగా తన ఇమేజ్ ఎంతో ఎత్తుకు ఎదిగింది. కానీ సాహో, రాధేశ్యాం, ఆదిపురుష్ నిరుత్సాహ పరచినా అవి కూడా పాన్ ఇండియా స్థాయి సినిమాలే కావడం గమనార్హం. కేజీఎఫ్ దర్శకుడు ప్రశాంత్ నీల్ దర్శకత్వంలో సలార్ మూవీలో నటిస్తున్నాడు. ఇంకా కల్కి 2898 సినిమాలో కూడా చేస్తున్నాడు. దీంతో వాటిపై ప్రేక్షకుల్లో మంచి క్రేజీ ఏర్పడింది.
ఈనేపథ్యంలో ప్రభాస్ ఆధార్ కార్డు నెట్టింట్లో వైరల్ అవుతోంది. ఎప్పుడో చిన్నగా ఉన్నప్పుడు తీసుకున్న ఆధార్ కార్డులో ఉప్పలపాటి వెంకట సూర్యనారాయణ ప్రభాస్ అని ఉంది. ప్రభాస్ ఫొటో కూడా గుర్తించలేకుండా ఉంది. ప్రభాస్ అసలు పేరు అది. సూర్యనారాయణ అతడి తండ్రి పేరు. దీంతో ప్రభాస్ పేరు చాలా పొడుగుగా ఉంది. కానీ ఇదే పేరు ఇప్పుడు మారుమోగుతోంది.
కల్కి 2898 సినిమాలో మహామహులు నటిస్తున్నారు. కమల్ హాసన్ విలన్ గా చేస్తున్నారు. మరో ముఖ్యమైన పాత్రలో అమితాబ్ బచ్చన్, హీరోయిన్ గా దీపికా పడుకునే నటిస్తోంది. మొత్తానికి భారీ తారాగణమే చేస్తోంది. దీంతో సినిమాపై భారీ అంచనాలు నెలకొన్నాయి. ఈ నేపథ్యంలో కల్కి 2898 సినిమాపై న్యూస్ ఏదైనా సోషల్ మీడియాలో చక్కర్లు కొడుతోంది.
ప్రభాస్ సినిమాలు వరుసగా బోల్తా కొడుతుంటే ఇప్పుడు వచ్చే సినిమాలు మంచి రేంజ్ లో హిట్ కావాలని ఆశిస్తున్నారు. ఇప్పుడు వచ్చే రెండు సినిమాలు విజయం సాధించాలని కోరుకుంటున్నారు. ప్రభాస్ ఆధార్ కార్డు ఇప్పుడు అందరిలో ఆసక్తిగా కనిపిస్తోంది. ఇప్పుడు ఎక్కడ చూసినా ప్రభాస్ ఆధార్ కార్డు ఫొటోనే ఆశ్చర్యంగా చూస్తున్నారు. అప్పుడు ప్రభాస్ ఎలా ఉన్నాడని చర్చించుకుంటున్నారు.