Free Bus : తెలంగాణ ఆర్టీసీ బస్సుల్లో ఉచిత ప్రయాణానికి పాన్ కార్డు చెల్లుబాటు కాలనీ టిఎస్ఆర్టిసి ఎండి సజ్జనార్ ప్రకటించారు. పాన్ కార్డులో అడ్రస్ లేనందున అది చెల్లదని తెలిపారు. కేంద్ర రాష్ట్ర ప్రభుత్వాలు జారీ చేసిన ఒరిజినల్ గుర్తింపు కార్డులో ప్రయాణికురాలి ఫోటో , అడ్రస్ స్పష్టంగా కనిపించాలని చెప్పారు. స్మార్ట్ ఫోన్లో ఫోటో కాపీలు కలర్ జిరాక్స్ లు చూపిస్తే చెల్లవని పేర్కొన్నారు. జీరో టికెట్ కచ్చితంగా తీసుకోవాలని సూచించారు.
తెలంగాణ రాష్ట్రంలో మహిళలకు కాంగ్రెస్ ప్రభుత్వం ఉచిత బస్సు సౌకర్యాన్ని ఏర్పాటు చేసింది. మొదట ఏదైనా గుర్తింపు కార్డు ఉంటే బస్సులో ఫ్రీగా ప్రయాణించవచ్చని ప్రకటించింది. అయితే గుర్తింపు కార్డుగా పాన్ కార్డు వర్తించదని తాజాగా ఉత్తర్వులు జారీ చేశారు. పాన్ కార్డులో ఫోటో ఐడెంటిటీ అడ్రస్ లేనందున ఇది గుర్తింపు కార్డుగా పరిగణించలేమని తెలిపారు. ఫోటో అడ్రస్ ఉన్న ఐడెంటి కార్డులను మాత్రమే అనుమతి స్తామని టిఎస్ఆర్టిసి ఎండి సజ్జనార్ తెలిపారు.