Drink Warm Water : ఉదయం పరగడుపున (ఖాళీ కడుపుతో) గోరు వెచ్చటి నీరు తాగితే చాలా లాభాలు ఉంటాయని పెద్దలు చెప్తారు. మోషన్ ఫ్రీగా అవడంతో పాటు పొట్ట తగ్గుతుంది. కొలెస్ట్రాల్ కూడా తగ్గుతాయని, ఇక అందులో నిమ్మకాయ, తేనె వేసుకుంటే మరి కొన్ని అదనపు ప్రయోజనాలు ఉంటాయని పెద్దలు చెప్తుంటారు. పెద్దలు చెప్పింది నిజమేనా.. వైద్య నిపుణులు ఏం సూచిస్తున్నారు. అసలు ఉదయం పరగడుపున గోరు వెచ్చటి నీరు తాగడం లాభమా? లేక నష్టమా? లాంటి అనుమానాలను నివృత్తి చేసుకుందాం.
సోషల్ మీడియా విస్తృతి పెరగడంతో ప్రతీ ఒక్కరి చేతిలోకి సెల్ ఫోన్లు వచ్చాయి. దీంతో ఏ సమాచారం కావాలన్నా ఒక్క మీట (టచ్)తో తెలుసుకోవచ్చు. ఇందులో ఆరోగ్యానికి సంబంధించి వార్తలు కూడా వస్తున్నాయి. వీటిని కొందరు పాటిస్తున్నారు. ఆరోగ్యం కాపాడుకునేందుకు టిప్స్ ఫాలో అవుతున్నారు. రిమోట్ ప్రపంచం కాబట్టి ఊబకాయం (హెవీ వెయిట్) కూడా పెరుగతూ వస్తోంది. వాటి కోసం టిప్స్ దొరుకుతుంటాయి. ఇలాంటి టిప్ లలో ఒకటి పరగడుపున (ఖాళీ కడుపుతో)వేడి నీరు తాగడం.
* గోరు వెచ్చని నీటిని తాగడం వల్ల ఆహారం త్వరగా జీర్ణం అవుతుంది. పేగుల్లో కదలికలు ఎక్కువగా జరుగుతాయి. జీర్ణ వ్యవస్థ క్రమశిక్షణగా ఉంటూ మలబద్ధకం సమస్యలు ఉండవు.
* పరగడుపున గోరు వెచ్చని నీటిని తాగితే బరువు తగ్గడంలో ఎంతో కొంత తోడ్పడుతుందని కొన్ని అధ్యయనాల్లో తేలింది. కడుపు నిండిన అనుభూతి కలగడం, ఆహారం త్వరగా జీర్ణమై కొవ్వు తగ్గి అధిక బరువు నుంచి కూడా ఉప శమనం కలుగుతుంది.
* చలికాలంలో జలుబు, ముక్కుదిబ్బడ సమస్యలకు చెక్ పెట్టవచ్చు. ఉదయాన్నే గోరు వెచ్చని నీరు తాగితే ముక్కు దిబ్బడ సమస్య నుంచి బయటపడచ్చు. శ్వాస తీసుకోవడం తేలిక అవుతుంది. కండరాలపై ఒత్తిడి తగ్గుతుంది.
దుష్ఫ్రభావాలు..
గోరు వెచ్చని నీటిని తాగితే లాభాలున్నాయనడం ఎంత నిజమో సైడ్‌ ఎఫెక్ట్స్‌ కూడా ఉన్నాయన్నది అంతే నిజం అని నిపుణులు చెబుతున్నారు. మోతాదుకు మించి తీసుకుంటే దుష్ప్రభావం పడుతుందని చెబుతున్నారు.
* వేడి నీటిని మోతాదుకు మించి తీసుకుంటే శరీరంలో నీటి సాంద్రతలో అసమతుల్యత ఏర్పడే అవకాశం ఉంటుంది. దీని వల్ల డీహైడ్రేషన్‌ సమస్యలకు అవకాశం పెరుగుతుంది.
* అది నిద్రలేమికి కూడా కారణం కావచ్చు. ఇది స్లీప్‌ క్లాక్‌పై ప్రభావం చూపుతుంది.
* మూత్ర పిండాలపై దుష్ప్రభావం పడే అవకాశం ఉందని నిపుణులు సూచిస్తున్నారు. మూత్ర పిండాల పనితీరులో ఛేంజస్ వస్తాయని చెబుతున్నారు.
నోట్‌: కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే అన్నింటికన్నా ఉత్తమం.
 గోరు వెచ్చటి నీరు తాగితే చాలా లాభాలు){kind=link}