Kalki 2898 AD ప్రభాస్ హీరోగా వస్తున్న సినిమా కల్కి 2898 ఎడి. సినిమాపై ప్రేక్షకుల్లో అంచనాలు పెరుగుతున్నాయి. సినిమా గురించి రోజుకో అప్ డేట్ రావడంతో అభిమానుల్లో క్యూరియాసిటీ పెరుగుతోంది. ఈ నేపథ్యంలో ఓ చేదు వార్త కూడా ఫిలింనగర్ లో చక్కర్లు కొడుతోంది. సినిమాపై ఫ్యాన్స్ లో ఆశలు భారీగానే పెరిగాయి. ప్రాజెక్టు కె అనే వర్కింగ్ టైటిల్ తో షూటింగ్ ప్రారంభించిన తరువాత కల్కి 2898 ఎడిగా మార్చారు. కల్కి 2898 ఎడి అని అధికారికంగా ప్రకటించారు.
ఈ సినిమా జనవరి 12న ప్రేక్షకుల ముందుకు రాబోతోంది. దీనికి సంబంధించిన అప్ డేట్స్ వాయిదా వేశారు. సినిమా మరో నాలుగు నెలలకు పోస్ట్ ఫోన్ చేస్తారనే వాదన వస్తోంది. జనవరి నుంచి మే నెల వరకు విడుదల తేదీ మార్చినట్లు తెలుస్తోంది. గతంలో వైజయంతి బ్యానర్ లో ఆ నెలలో వచ్చిన సినిమాలన్ని హిట్ కావడంతో అదే సెంటిమెంట్ తో రిలీజ్ డేట్ వాయిదా వేసుకుంటున్నట్లు సమాచారం.
ఈ నేపథ్యంలో మే 9న విడుదల చేయాలని భావిస్తున్నట్లు చెబుతున్నారు. నాగ్ అశ్విన్ దర్శకత్వంలో వచ్చిన మహానటి సినిమా విజయవంతం కావడంతో ఇప్పుడు ఈ సినిమాను కూడా సక్సెస్ చేయాలని చూస్తున్నారు. జగదేకవీరుడు అతిలోక సుందరి కూడా అదే డేట్ కు వచ్చి సంచలన విజయం సాధించింది. అలాగే కల్కి 2898 ఎడి కూడా మంచి విజయం అందుకుంటుందని ఆశిస్తున్నారు.
ఈ సినిమాకు దాదాపు రూ. 600 కోట్ల బడ్జెట్ అవుతోంది. భారీ తారాగణం నటిస్తోంది. కమల్ హాసన్, అమితాబచ్చన్ తో పాటు హీరోయిన్ గా దీపికా పడుకునే నటిస్తోంది. వీరికి దాదాపు రూ. 200 కోట్లు ఖర్చవుతోంది. ఈ నేపథ్యంలో 80 శాతం షూటింగ్ పూర్తి చేసుకున్న సినిమా పాన్ వరల్డ్ గా విడుదల అవుతోంది. దీంతో ప్రభాస్ అభిమానులు సినిమాపై ఎన్నో ఆశలు పెట్టుకున్నారు.