Kesineni Chinni : విజయవాడ టీడీపీ ఎంపీ అభ్యర్దిగా కేశినేని శివనాధ్ ( చిన్ని )కి నారాలోకేష్ గ్రీన్ సిగ్నల్ ఇచ్చారు. కేశినేని చిన్ని నారాలోకేష్ ను మర్యాద పూర్వకంగా కలిశారు. విజయ వాడ పార్లమెంట్ పరిధిలో చేపడుతున్న కార్యక్రమాలపై నారాలోకేష్ కు ఆయన వివరించారు. చిన్నిచేపడుతున్న కార్యక్రమాలను చూసి నారా లోకేష్ అభినందించారు. చంద్రబాబు జిల్లా పర్యటనల నేపథ్యంలో విజయవాడ పార్లమెంట్ బాధ్యతలను లోకేష్ చిన్నికి అప్పగించారు. నిత్యం ప్రజల్లో ఉంటూ టీడీపీని మరింత బలపరచాలని చిన్నిని లోకేష్ ఆదేశించారు. పార్లమెంట్ అభ్యర్దిగా చిన్నికి హామీ ఇవ్వడంతో విజయవాడ టీడీపీ శిబిరంలో హర్షాతిరేకాలు వ్యక్తమవుతున్నాయి.
