NBK108 Title Fix : నందమూరి బాలకృష్ణ ఈ మధ్య నటించిన అఖండ, వీర సింహారెడ్డి సినిమాలతో ఫుల్ ఫామ్ లోకి వచ్చిన విషయం తెలిసిందే.. రెండు సూపర్ హిట్స్ పడడంతో నెక్స్ట్ ఈయన చేయబోయే సినిమాలపై భారీ హైప్ పెరిగింది. ప్రస్తుతం నందమూరి బాలకృష్ణ అనిల్ రావిపూడి దర్శకత్వంలో ఒక సినిమా చేస్తున్న విషయం తెలిసిందే.. ఈ సినిమా శరవేగంగా షూటింగ్ పూర్తి చేసుకుంటుంది.
షైన్ స్క్రీన్ సంస్థ నిర్మిస్తున్న ఈ సినిమాకు థమన్ సంగీతం అందిస్తుండగా హీరోయిన్ గా కాజల్ అగర్వాల్ నటిస్తుంది.. అలాగే బాలయ్య కూతురు పాత్రలో శ్రీలీల నటిస్తుంది.. ఈ ఏడాది దసరా కానుకగా ఈ సినిమాను రిలీజ్ చేయనున్నారు. ఇప్పటికే పలు పోస్టర్స్ రిలీజ్ చేసి ఈ సినిమాపై హైప్ పెంచేసిన అనిల్ ఈ సినిమాను మరింత హైప్ క్రియేట్ చేయాలని సాలిడ్ టైటిల్ ను ఎంచుకోబోతున్నట్టు టాక్..
అతి త్వరలోనే షూటింగ్ ముగించి గుమ్మడికాయ కొట్టేయనున్న ఈ సినిమాకు ఇప్పటికే పలు టైటిల్ పేర్లు వినిపించాయి.. తెలంగాణ నేపథ్యంలో సాగే ఈ స్టోరీకి తాజాగా ‘భగవత్ కేసరి’ అనే టైటిల్ ను ఖరారు చేసినట్టు ఇండస్ట్రీలో రూమర్స్ వినిపిస్తున్నాయి. ఈ పేరు విన్న తర్వాత కొంత మంది పేరు పలకడానికి కష్టంగా ఉంది ఇక ఆడియెన్స్ కు ఎలా రీచ్ అవుతుంది అని కామెంట్స్ చేస్తున్నారు.
ఇదే టైటిల్ కనుక ఈ సినిమాకు పెట్టి ఉంటే ఆడియెన్స్ అండ్ ఫ్యాన్స్ నుండి వ్యతిరేకత ఎదుర్కునే అవకాశం కూడా ఉందని విశ్లేషకులు చెబుతున్నారు.. మరి ఈ టైటిల్ గురించి ఆడియెన్స్ నుండి ఎలాంటి రియాక్షన్ వస్తుందో ఎదురు చూడాల్సిందే.. వరుస హిట్స్ తో జోరుమీదున్న బాలయ్యకు అనిల్ ఎలాంటి హిట్ ఇస్తాడో అని నందమూరి ఫ్యాన్స్ కొద్దిగా కంగారుగానే ఉన్నారు. చూడాలి ఈసారి హిట్ కొడతాడా లేదా..