Aishwari Pratap Singh Tomar : చైనాలోని హాంగ్జౌలో జరుగుతున్న ఆసియా క్రీడల్లో భారత షూటర్ ఐశ్వరీ ప్రతాప్ సింగ్ తోమర్ రెండు పతకాలు సాధించడంపై దేశం యావత్తు హర్షం వ్యక్తం చేస్తుంది. ‘నేను ఒకే రోజులో రెండు పతకాలు సాధిస్తానని ఎప్పుడూ అనుకోలేదు’ అని అథ్లెట్ ఐశ్వరీ ప్రతాప్ సింగ్ చెప్పాడు. పురుషుల 10 మీటర్ ఎయిర్ రైఫిల్ టీమ్ ఈవెంట్లో స్వర్ణం సాధించిన ఐశ్వరీ, అదే విభాగంలో కాంస్యం కూడా దక్కించుకున్నాడు. ‘ఇది బంగారు పతకం (టీమ్ ఈవెంట్లో) కాదు, ప్రపంచ రికార్డు కూడా.. ఐశ్వరీ విజయం చాలా ప్రత్యేకమైనది. టీమ్ ఈవెంట్లో స్వర్ణం గెలిచి ఆసియా క్రీడల్లో కొత్త ప్రపంచ రికార్డు సృష్టించినందుకు మాకు చాలా సంతోషంగా ఉంది’ అని మధ్యప్రదేశ్లోని ఖర్గోన్కు చెందిన షూటర్ చెప్పాడు.
స్వర్ణం అందుకునేందుకు స్టేడియంలో నిలబడి తోమర్ అదొక ప్రత్యేక క్షణమని చెప్పాడు. ‘జాతీయ గీతం ఆలపించడంలో ఒక అథ్లెట్కు ఉన్న గర్వం దానిపైకి ఏదీ రాదు’ అని ఐశ్వరీ అన్నారు. స్వర్ణం సాధించిన ఐశ్వరీ, రుద్రంక్ష్ పాటిల్తో సహా షూటర్ త్రయంలో భాగమైన దివ్యాన్ష్ సింగ్ ఇది ‘అనుకోని ఆనందం’ అని అన్నారు.
పురుషుల 10 మీటర్ల ఎయిర్ రైఫిల్ వ్యక్తిగత విభాగంలో ఐశ్వరీ మొత్తం 228.8 పాయింట్లతో కాంస్య పతకాన్ని కైవసం చేసుకున్నారు. షూట్-ఆఫ్ ఈవెంట్లో అతను కాంస్య పతకాన్ని సాధించడం గమనార్హం. ఇక, పాటిల్ 208.7 పాయింట్లతో నాలుగో స్థానంలో నిలిచాడు.
పురుషుల 10 మీటర్ ఎయిర్ రైఫిల్ టీమ్ ఈవెంట్లో 1893.7 స్కోరుతో భారతదేశం తన మొదటి స్వర్ణాన్ని కైవసం చేసుకుంది. ఈ ప్రక్రియలో ఆగస్టు 2023లో చైనా సృష్టించిన 1893 పాయింట్ల ప్రపంచ రికార్డును బద్దలు కొట్టింది.
ఐశ్వరీ ప్రతాప్ సింగ్ ను భారత ప్రధాని నరేంద్రమోడీ అభినందించారు. ఆయన స్ఫూర్తి దాయకమైన ప్రతిభ కనబరిచారని ట్విటర్ ద్వారా ప్రశంసించారు. ఆయన సాధించిన పతకాలు దేశ కీర్తిని, గౌరవాన్ని పతాక స్థాయికి తీసుకెళ్తాయన్నారు.
An inspirational performance by Aishwary Pratap Singh Tomar at the Asian Games!
His Bronze medal in the individual men’s 10m air rifle event fills the nation with immense pride. Best wishes to him for the upcoming endeavours. pic.twitter.com/u5rfksNtCa
— Narendra Modi (@narendramodi) September 25, 2023