Trivikram Rana Movie నోముకున్నోడి బూరె నోచుకున్నోడు తిన్నట్లుగా ఉంది. హిరణ్యకశ్యప సినిమా తీయాలని దర్శకుడు గుణశేఖర్ కలలు కన్నాడు. దీని కోసం డబ్బులు కూడా ఖర్చు చేశాడు. అన్ని కుదిరితే 2020లోనే పట్టాలెక్కాల్సిన సినిమా కరోనా కారణంగా వాయిదా పడింది. హిరణ్యకశ్యప వాయిదా పడటంతో శాకుంతలం సినిమా చేశారు గుణశేఖర్.
శాకుంతలం సినిమాకు ఏడాదికి పైగా సమయం పట్టంది. కానీ శాకుంతలం డిజాస్టర్ కావడంతో హిరణ్య కశ్యప లేనట్లే అనుకోవడంతో జులై 19న రానా ఓ షాక్ న్యూస్ చెప్పారు. హిరణ్యకశ్యప తీయబోతున్నట్లు వెల్లడించాడు. కానీ అందులో గుణశేఖర్ పేరు మాత్రం లేదు. కొత్తగా త్రివిక్రమ్ పేరు వచ్చి చేరింది. దీంతో అందరు ఆశ్చర్యపోతున్నారు. ఇన్నాళ్లు ఎంతో ఆతృత పడిన గుణశేఖర్ ను కాదని కొత్త వారితో తెరకెక్కించేందుకు రెడీ అయినట్లు తెలుస్తోంది.
హిరణ్య కశ్యప దర్శకుడు ఎవరనేది తెలియడం లేదు. గుణశేఖర్ ఈ ప్రాజెక్టు చేయడం లేదని అర్థమవుతోంది. ఎన్నో ఏళ్లు కష్టపడిన గుణశేఖర్ ను కాదని ఇప్పుడు కొత్తవారితో సినిమా చేయాలని రానా అనుకోవడం బాగా లేదని పలువురు ఆగ్రహం వ్యక్తం చేశారు. ట్విట్టర్ వేదికగా విమర్శలు చేస్తున్నారు. రానా, త్రివిక్రమ్ లను టార్గెట్ చేశారు.
హిరణ్యకశ్యప దర్శకుడు ఎవరనేదానిపై ఇంకా సందేహాలు తీరడం లేదు. రానాకు హీరోగా సక్సెస్ లు లేవు. దీంతో ఈ సినిమా తీసి పాపులారిటీ సంపాదించుకోవాలని చూస్తున్నట్లు సమాచారం. గత ఏడాది భీమ్లా నాయక్, విరాట పర్వం సినిమాల్లో నటించాడు. విరాటపర్వం నిరాశ పరచింది. బాహుబలితో మంచి పేరు తెచ్చుకున్న రానాకు సరైన గుర్తింపు లేదు. అందుకే హిరణ్యకశ్యప తీయాలని చూస్తున్నారని చెబుతున్నారు.
