Sharwanand marriage : ఈ మధ్య సినీ ఇండస్ట్రీలో నటీనటుల పెళ్లిళ్లు ఎంగేజ్మెంట్ వరకు వచ్చి ఆగిపోతున్నాయి. దీంతో నిజంగా ఆగిపోని పెళ్లిళ్లకు కూడా ఓ రేంజ్ లో రూమర్స్ వినిపిస్తున్నాయి.. ఎంగేజ్మెంట్ జరిగి పెళ్లి కొద్దీ రోజులు ఆగితే చాలు పెళ్లి ఆగిపోయింది అంటూ రూమర్స్ వినిపిస్తున్నాయి.. ఈ రూమర్స్ పై ఆ నటీనటులు స్పందించి ఖండిస్తే సరి లేకపోతే ఇదే నిజమని ప్రజలు కూడా నమ్మే పరిస్థితి నెలకొంది..
మరి మన టాలీవుడ్ యంగ్ అండ్ టాలెంటెడ్ హీరో శర్వానంద్ పెళ్లి కూడా క్యాన్సిల్ అయినట్టు టాక్ గత కొన్ని రోజులుగా వినిపిస్తూనే ఉంది. ఈ వార్తలపై ఇప్పటి వరకు ఎవ్వరూ స్పదించక పోవడంతో ఇది నిజమే అనుకున్నారు.. కానీ ఈ వార్తలపై తాజాగా క్లారిటీ వచ్చింది. శర్వానంద్ కుటుంబం నుండి పెళ్లి గురించి క్లారిటీ వచ్చినట్టు తెలుస్తుంది..
శర్వానంద్ ఒకే ఒక జీవితం సినిమాతో హిట్ అందుకుని కెరీర్ లో కాస్త సక్సెస్ గ్రాఫ్ లోకి వచ్చాడు.. ఇక పర్సనల్ లైఫ్ లో కూడా ఈయన పెళ్లి చేసుకుని ఒక ఇంటి వాడు కాబోతున్నాడు అని ఆయన ఫ్యాన్స్ సంతోషంగా ఉన్నారు. కొన్ని రోజుల క్రితం శర్వానంద్ రక్షిత తో కలిసి ఎంగేజ్మెంట్ చేసుకున్న విషయం తెలిసిందే.. ఈ వేడుకకు టాలీవుడ్ ప్రముఖులు కూడా హాజరయ్యారు..
ఇక మధ్యలో చాలా గ్యాప్ రావడంతో వీరి పెళ్లి ఆగిపోయింది అని రూమర్స్ వినిపించాయి.. దీంతో తాజాగా ఈ రూమర్స్ కు చెక్ పెడుతూ.. వీరి పెళ్లి డేట్ అండ్ టైం, వెన్యూ గురించి వివరాలు బయటకు వచ్చాయి. శర్వానంద్ – రక్షిత పెళ్లి జూన్ 3న జరగనుంది అని అది కూడా రాజస్థాన్ లోని లీలా ప్యాలెస్ అని తెలుస్తుంది.. ఈ వార్తతో ఆయన ఫ్యాన్స్ ఊపిరి పీల్చుకుంటున్నారు.
