Tana Helping : మన దేశంలో చదువుకోవాలని చాలా మందికి ఉన్నా ఆ అవకాశాలు లేక కొందరు వెనకడుగు వేస్తున్నారు. ఆర్థిక పరిస్థితులు బాగా లేక ఉన్నత విద్య అభ్యసించకుండా ఉండిపోతున్నారు. అండలుంటే కొండలైనా దాటవచ్చు. సాయం చేసే వారుంటే ఎంతటి కష్టమైనా చిన్నదే అనిపిస్తుంది. ఎవరు సాయం చేయకపోతే పేద వారికి ఇబ్బందులు కలుగుతాయి.
ఈ నేపథ్యంలో ఉత్తర అమెరికా తెలుగు సంఘం (తానా) ఉపకార వేతనాలను క్రిష్ణ జిల్లా పెనమలూరుకు చెందిన 15 మంది పేద విద్యార్థులకు అందజేస్తున్నారు. దీంతో వారికి విద్యనభ్యసించేందుకు చేయూతనిచ్చినట్లు అవుతోంది. ఉపకార వేతనాలను ప్రవాసాంధ్రుడు మలినేని ఠాగూర్ ఈ ఉపకార వేతనాలను అందజేస్తున్నారు. వారి చదువుకు అండగా నిలుస్తున్నారు.
పెనమలూరు ఎన్ఆర్ఐ స్థానిక ప్రతినిధులు పాలడుగు సుధీర్, మోర్ల నరేరంద్ర బాబు, కిలారు ప్రవీణ్, సాంబశివరావు తదితరులు దీనికి చేయూతనిస్తున్నారు. దీంతో వారు చదువుకునే వరకు వారికి తమకు తోచిన విధంగా సాయం చేసేందుకు ముందుకు వచ్చారు. ఇక వారి చదువుకు ఢోకా లేదని గ్రామస్తులు హర్షం వ్యక్తం చేస్తున్నారు. పేద విద్యార్థుల పాలిట కల్పతరువుగా మారిన వారి సాయం ఎంతో బాసటగా నిలుస్తోంది.
ఇలా ఒకరికి మరొకరు సాయం చేయడం గొప్ప విషయం. మనకు ఎంత ధనమున్నా పనికి రాదు. ఇలాంటి సేవా కార్యక్రమాలు చేపడితే ఎంతో మేలు కలుగుతుంది. వారి కుటుంబాలు నిలదొక్కుకునేందుకు సాయం చేయడం నిజంగా గొప్ప సంకల్పం. ఈ నేపథ్యంలో వారి కుటుంబాలు ఉపశమనం పొందుతున్నాయి. వారి చదువుకు ఇక ఎలాంటి బాధలు లేవని సంతోష పడుతున్నారు.