Rishi Sunak Praises Hinduism : భారతదేశాన్ని 200 సంవత్సరాలు పాలించిన దేశాన్ని అదే భారతదేశం మూలాలున్న వ్యక్తి పాలిస్తున్నాడు. ప్రపంచానికి దిక్సూచి ఇండియా మాత్రమే అనడంలో ఎలాంటి సందేహం లేదు. ఇప్పటికీ ఇండియాకు చెందిన వారే గూగుల్, మైక్రోసాఫ్ట్ లను పాలించడం గర్వకారణమే అని చెప్పాలి. వీరిని గుర్తుకు చేసుకుంటుండగా ఇప్పుడు అందులో మరో గొప్ప వ్యక్తి చేరాడు.
ఆయనే బ్రిటీష్ ప్రధాని రిషి సునాక్. రిషి సునాక్ భారత మూలాలు ఉన్న వ్యక్తి. ఆయన పూర్వీకులు తూర్పు ఆఫ్రికాకు వలస వెళ్లి అనంతరం యూకే (యునైటెడ్ కంట్రీ)కు వెళ్లి అక్కడే సెటిల్ అయ్యారు. రిషి తండ్రి యష్వీర్ కెన్యాలో జన్మించగా, తల్లి ఉష టాంజానియాలో జన్మించింది. వీరంతా భారత్ లోని పంజాబ్ రాష్ట్రానికి చెందిన వారు. వీరికి రిషి సునాక్ 12 మే, 1980లో ఇంగ్లాండ్ లోని సౌథాంప్టన్ లో జన్మించాడు.
ఇక ఆయన స్టాన్ ఫోర్డ్ యూనివర్సిటీలో చదివారు. విద్యార్థి దశ నుంచే రాజకీయాల్లో చరుకుగా పాల్గొనేవారు. 2014లో బ్రిటన్ ఎన్నికల్లో రిచ్మాండ్ నుంచి ఎంపీగా గెలిచాడు. 2019లో కూడా కన్జర్వేటివ్ పార్టీ తరుఫున గెలిచిన ఆయన బోరిస్ జాన్సన్ ప్రభుత్వంలో ఆర్థిక శాఖ మంత్రిగా పని చేశారు. ఇక ఇన్ఫోసిస్ నారాయణ మూర్తి కూతురు అక్షతా మూర్తిని 2009లో లవ్ మ్యారేజ్ చేసుకున్నారు. వీరికి ఇద్దరు పిల్లలు ఉన్నారు.
భారత మూలాలు ఉన్న వ్యక్తి కావడంతో ఇక్కడి సంప్రదాయాలు, పద్ధతులకు ఆయన అమితమైన గైరవం ఇస్తారు. కాదు.. కాదు.. పాటిస్తారు. ఇప్పటికీ ఆయన కుటుంబం పంజాబ్ పండుగలను ఘనంగా చేసుకుంటుంది. ఇటీవల G20 సమ్మిట్ లో పాల్గొన్న ఆయన సంప్రదాయంగా కనిపించారు. ఇతర రాష్ట్రాల ప్రధానులు, ప్రెసిడెంట్లు వేరే దేశాలకు చెందిన వారిగా కనిపించినా.. రిషి సునాక్ మాత్రం అలా కనిపించలేదు.