Jawan :
బాలీవుడ్ బాద్షా షారుఖ్ ఖాన్ తాజా చిత్రం ‘జవాన్’ నేడు ప్రపంచ వ్యాప్తంగా విడుదలైంది. తొలి షో నుంచే ఈ సినిమాకు సూపర్ హిట్ టాక్ వచ్చింది. షారుఖ్ ఖాన్ ఫర్మామెన్స్ నెక్స్ట్ లెవెల్ ఉందంటూ అభిమానులు కితాబిస్తున్నారు. అయితే షారుఖ్ ‘జవాన్’ మూవీకి సూపర్ స్టార్ రజనీ నటించిన ‘జైలర్’కు.. రవితేజ నటించిన ‘విక్రమార్కుడు’ సినిమాలతో ఓ లింకు కుదిరింది. దీంతో అదేంటో తెలుసుకునేందుకు అభిమానులు ఆసక్తిని కనబరుస్తున్నారు.
పూర్తి వివరాల్లోకి వెళితే.. ‘జవాన్’ మూవీ షారుఖ్ ఖాన్ సరసన లేడి సూపర్ స్టార్ నయనతార నటించింది. ఈ మూవీకి అట్లీ దర్శకత్వం వహించగా అనిరుధ్ అదిరిపోయే మ్యూజిక్ ఇచ్చాడు. విలన్ పాత్రలో విజయ్ సేతుపతి నటించగా.. అతిథి పాత్రలో దీపిక పదుకోన్ కన్పించింది. ప్రియమణి.. సన్యా మల్హోత్రా. సునీల్ గ్రోవర్ తదితరులు కీలక పాత్రల్లో కనువిందు చేశారు.
సుమారు రూ.300కోట్ల రూపాయాలతో జవాన్ మూవీని షారుఖ్ ఖాన్ హోంబ్యానర్ రెడీ చిల్లీస్ ఎంటర్టైన్మెంట్స్ బ్యానర్పై గౌరీఖాన్ నిర్మించారు. ఈ సినిమాకు కోసం నటీనటులకు భారీగా రెమ్యూనరేషన్ ఇచ్చినట్లు తెలుస్తోంది. ఇక ఈ సినిమాకు పాజిటివ్ టాక్ రావడంతో ‘పఠాన్’ కలెక్షన్లను బ్రేక్ చేసే అవకాశం ఉందని టాక్ వినిపిస్తోంది.
అలాగే రజనీ నటించిన ‘జైలర్’తో కూడా జవాన్ కు లింక్ ఉందని తెలుస్తోంది. జైలర్ మూవీలో రజనీకాంత్ జైలర్ పాత్రలో కన్పిస్తాడు. ‘జవాన్’ మూవీలో కూడా షారుఖ్ జైలర్ క్యారెక్టర్లో కన్పిస్తాడు. ఆ పాత్ర పేరు ఆజాద్. ఈ రెండు సినిమాలకు ‘జవాన్’కు ఉన్న లింకు ఇదేనంటూ ఫ్యాన్స్ సోషల్ మీడియాలో తెగ వైరల్ చేస్తున్నారు.