Aadhi Pursh Movie : మేము తీసింది అసలు రామాయణమే కాదు : ఆదిపురుష్ రచయిత క్లారిటీ..

Aadhi Pursh Movie :  ప్రభాస్ వంటి పాన్ ఇండియన్ స్టార్ తాజాగా నటించిన సినిమా ‘ఆదిపురుష్’.. బాలీవుడ్ లో చారిత్రక సినిమాలను తెరకెక్కిస్తూ మంచి పేరు తెచ్చుకున్న డైరెక్టర్ ఓం రౌత్ ఈ సినిమాను తెరకెక్కించడంతో ఈ సినిమాపై బాలీవుడ్ లో సైతం భారీ అంచనాలు నెలకొన్నాయి. ఈ సినిమా జూన్ 16న గ్రాండ్ గా పాన్ ఇండియా వ్యాప్తంగా రిలీజ్ అయ్యింది.

హిందీ, తెలుగు భాషల్లో ఏకకాలంలో తెరకెక్కిన ఈ సినిమాలో రాముడిగా ప్రభాస్ నటిస్తే కృతి సనన్ సీత పాత్రలో నటించింది. అలాగే బాలీవుడ్ స్టార్ హీరో సైఫ్ అలీ ఖాన్ రావణాసురిడిగా నటించగా ఈ సినిమాపై భారీ హైప్ పెరిగింది. అందుకు తగ్గట్టుగానే ఈ సినిమాను గ్రాండ్ గా రిలీజ్ చేసారు.. అయితే రిలీజ్ తర్వాత ఈ సినిమా కలెక్షన్స్ ఎలా ఉన్న నెగిటివ్ కామెంట్స్ మాత్రం తప్పడం లేదు.

మిశ్రమ స్పందన తెచ్చుకున్న ఈ సినిమా కథపై తీవ్ర అభ్యంతరం తెలుపుతున్నారు. రామాయణం వంటి ఇతిహాస కథను వక్రీకరించి తెరకెక్కించారని.. విఎఫ్ఎక్స్ తో ఈ సినిమాను నడిపించే ప్రయత్నం చేసారని అలాగే రావణుడి వేషధారణ మీద కూడా నెగిటివ్ కామెంట్స్ రావడంతో ఈ సినిమా కథ రచయిత మనోజ్ ముంతశిర్ శుక్లా స్పందించారు..

”తాము తీసింది అసలు రామాయణమే కాదని.. రామాయణం స్ఫూర్తిగా తీసుకుని రూపిందించామని మనోజ్ చెప్పుకొచ్చారు.. ఆదిపురుష్ సినిమాను రామాయణం అని మేము చెప్పలేదు.. కేవలం మేము రామాయణాన్ని స్ఫూర్తిగా తీసుకుని తెరకెక్కించాం.. ఆ విషయాన్నీ డిస్ క్లైమర్ లో కూడా వేశాం.. రామాయణంలో జరిగే ఒక భాగాన్ని ఆధారంగా తీసుకుని ఈ సినిమాను తెరకెక్కించాం అంటూ విమర్శలను పోగొట్టే విధంగా స్పందించారు..