Movie Breaking Records : సంక్రాంతి బరిలో విడుదలైన చిన్న సినిమా హనుమాన్ సంచలనం కలిగిస్తోంది. దక్షిణాదితోపాటు ఉత్తరాదిలో కూడా ప్రభంజనం కొనసాగిస్తోంది. కలెక్షన్ల వర్షం కురిపిస్తోంది. కథలో బలముంటే ఎలాంటి సినిమా అయినా సక్సెస్ సాధిస్తుందని నిరూపించింది. రికార్డులు కొల్లగొడుతోంది. పౌరాణిక, చారిత్రక చిత్రాలకు ఆదరణ తగ్గలేదని చూపిస్తోంది. విదేశాల్లోనూ హంగామా చేస్తోంది.
ఉత్తర భారతదేశంలో హిందీ వర్షన్ దుమ్ములేపుతోంది. రెస్పాన్స్ పెరుగుతోంది. ఇప్పుడు సినిమా షోలు, స్క్రీన్ల సంఖ్య ఎక్కువవుతోంది. హనుమంతు అనే యువకుడికి దేవుడి నుంచి సూపర్ పవర్స్ రావడంతో ఏం జరిగిందనే కథాంశంతో తీసిన సినిమా ప్రేక్షకుల అంచనాలను మించి దూసుకుపోతోంది. గ్రాఫిక్స్ మాయాజాలంతో అద్భుతమైన అనుభూతి కలిగిస్తోంది. ప్రశాంత్ వర్మ దర్శకత్వంలో వచ్చిన సినిమాలో తేజ సజ్జ సరసన కన్నడ నటి నటించింది.
వరలక్ష్మి శరత్ కుమార్, సముద్రఖని తదితరులు నటించారు. హనుమాన్ సినిమా వీకెండ్ లో దుమ్ములేపుతోంది. రూ.60 కోట్లకు పైగా కలెక్షన్లు రాబట్టుకుంది. హిందీ వెర్షన్ కు ఇండియాలో రూ.12.26 కోట్ల వసూలు చేసింది. కేజీఎఫ్, చాప్టర్ 1, కేజీఎఫ్ 2, కాంతార, పుష్ప రికార్డులను బద్దలు కొట్టింది. శుక్రవారం రూ.2.15 కోట్లు, శనివారం రూ.4.05 కోట్లకు చేరింది. ఆదివారం రూ.6.06 కోట్లు వసూలు చేసుకుంది.
ఉత్తర భారతదేశంలో రోజురోజుకు హనుమాన్ సినిమా షోల సంఖ్య పెరుగుతోంది. కత్రినా కైఫ్, విజయ్ సేతుపలి నటించిన మెర్రీ క్రిస్మస్ సినిమా జోరు తగ్గింది. హనుమాన్ సినిమా కర్ణాటకలో కూడా రూ. 2కోట్ల కలెక్షన్స్ రాబట్టింది. ఉత్తర భారతదేశంలోనూ చరిత్ర లిఖిస్తోంది. దీంతో హనుమాన్ కథ అందరికి తెగ నచ్చేసి ప్రేక్షకుల ఆదరణ పొందుతోంది.