ఆర్ధిక మాంద్యం యావత్ ప్రపంచాన్ని అతలాకుతలం చేస్తోంది. పెద్ద ఎత్తున పలు సంస్థలు తమ ఉద్యోగులను తొలగిస్తున్నారు. కంపెనీని నష్టాల్లోంచి బయట పడేయడానికి ఇలా కఠిన నిర్ణయాలు తీసుకుంటున్నారు. తాజాగా అమెజాన్ సంస్థ కూడా అదేబాటలో పయనిస్తోంది. ఇప్పటికే పెద్ద సంఖ్యలో ఉద్యోగులను తొలగించిన ఈ సంస్థ తాజాగా మరో 9 వేల మందిని తొలగించే పనిలో పడింది.
ఇప్పటికే 9 వేల మందికి మెయిల్స్ ను పంపించింది. ఈ కఠిన నిర్ణయం పట్ల చాలా బాధగా ఉంది కానీ సంస్థ ప్రయోజనం కోసం ఈ నిర్ణయం తప్పనిసరి అంటూ మెయిల్స్ లో పేరొన్నారు. అమెజాన్ అడ్వేర్టైజింగ్ , ట్విచ్ , ఏడబ్ల్యుఎస్ విభాగాలలో పనిచేస్తున్న వాళ్లలో తొమ్మిది వేల మందిని తొలగించనుంది అమెజాన్.
