Onion : దేశంలో డయాబెటిస్ వేగంగా విస్తరిస్తోంది. మనదేశం షుగర్ కు రాజధానిగా మారింది. మధుమేహగ్రస్తులు పెరగడానికి పలు కారణాలు ఉన్నాయి. మన ఆహార అలవాట్లు, జీవన శైలి షుగర్ రావడానికి కారకాలుగా నిలుస్తున్నాయి. ఈ నేపథ్యంలో మధుమేహం ఒకసారి వచ్చిందంటే చాలు జీవితాంతం మన వెంటే ఉంటుంది. మందులు వాడితేనే కంట్రోల్ లో ఉంటుంది. లేదంటే ఇబ్బందులకు గురి చేస్తుంది.
షుగర్ కు ఉల్లిపాయ మందులా పనిచేస్తుందని చాలా మంది చెబుతుంటారు. దీంతో డయాబెటిస్ నియంత్రణలో ఉంటుందని అంటున్నారు. ప్రతిరోజు 50 గ్రాముల ఉల్లిపాయ తింటే షుగర్ నియంత్రణలోకి వస్తుందని నమ్ముతుంటారు. దీంతో గుండె జబ్బుల ముప్పు కూడా ఉండదని వెల్లడిస్తున్నారు. ఉల్లిపాయను ఏడు రోజుల పాటు క్రమంతప్పకుండా తింటే అద్భుతమైన ఫలితాలు వస్తాయని తెలుస్తోంది.
షుగర్ తో పోరాడటంలో ఉల్లిపాయ కీలక పాత్ర వహిస్తుంది. రక్తంలో చక్కెరను అదుపులో ఉంచుతుంది. ఉల్లిపాయలో గ్లైసెమిక్ ఇండెక్స్ తక్కువగా ఉంటుంది. ఉల్లిపాయ రసం తీసుకోవడం వల్ల జీర్ణక్రియ బాగుంటుంది. రక్తంలో చక్కెరను తగ్గిస్తుంది. జుట్టు ఆరోగ్యానికి ఉల్లిపాయ మేలు చేస్తుంది. జుట్టు పెరుగుదలకు దోహదం చేసే ఉల్లి రసం వారానికి రెండు సార్లు జుట్టుకు పట్టిస్తే మంచి ఫలితం ఉంటుంది.
ఉల్లి చేసిన మేలు తల్లి కూడా చేయదంటారు. అలా ఉల్లిపాయతో మన ఆరోగ్యం మెరుగుపడుతుంది. మాంసాహారాల్లో ఉల్లిపాయలను విరివిగా తీసుకుంటాం. దీంతో మనకు ఎంతో మేలు కలుగుతుంది. ఉల్లిపాయ తీసుకోవడం వల్ల డయాబెటిస్ నియంత్రణలోకి రావడం జరుగుతుంది. ఈ విషయం తెలుసుకుని ఉల్లిపాయను రోజువారీ ఆహారంలో తీసుకుంటే మంచిది.
