కొత్తిమీరను కూరల్లో వేసుకోవడంతో పాటు చట్నీగా కూడా చేసుకోవచ్చు. ఇందులో ఉండే యాంటీ మైక్రోబియల్, యాంటీ ఆక్సిడెంట్లు, యాంటీ ఇన్ఫ్లమేటరీ గుణాలతోపాటు విటమిన్ ఎ, సి, కాల్షియం, మెగ్నిషియం అందుతాయి. కొత్తిమీరలో యాంటీ బయోటిక్ మూలకాలు రక్తంలో చక్కెరన నియంత్రిస్తాయి. కొత్తిమీర రసంలో కొంచెం చక్కెర, నీరు కలిపి ఖాళీ కడుపుతో తాగితే పరగడుపున వారం రోజుల పాటు క్రమం తప్పకుండా తాగడం వల్ల నీరసం లేకుండా పోతుంది.
లినోలిక్, ఒలిక్, పాలిమిటిక్, స్టియారిక్, ఆస్కార్ఫిక్ యాసిడ్స్ వంటివి కొత్తిమీరలో పుష్కలంగా ఉంటాయి. గుండె సంబంధ సమస్యలు, హార్ట్ స్ట్రోక్ వంటి సమస్యలను దూరం చేస్తుంది. కొత్తిమీర తినడం వల్ల రక్తప్రసరణ బాగా జరుగుతుంది. జీర్ణ వ్యవస్థ మెరుగుపడుతుంది. కాలేయం పనితీరు మెరుగుపరుస్తుంది. కొత్తిమీర చట్నీ తినడం వల్ల లేదా ధనియాల పొడిలో కొద్దిగా తేనె వేసుకుని తాగితే మెదడు పనితీరు బాగుంటుంది.
శరీరంలో సోడియంను బయటకు పంపి రక్తపోటును నియంత్రించడంలో ముఖ్యపాత్ర పోషిస్తుంది. చెడు కొలెస్ట్రాల్, ఎల్ డీఎల్ తగ్గిస్తుంది. కొత్తిమీరలో యాంటీ ఆక్సిడెంట్లు పుష్కలంగా ఉండటం వల్ల కొత్తిమీరను తీసేయకుండా తినొచ్చు. కొత్తిమీరతో ఎన్నో లాభాలున్నాయి. ఇందులో ఉండే పోషకాలతో మన ఆరోగ్యం బాగు చేయడంలో ఎంతో దోహదపడుతుంది.
