ఇళయ దళపతి విజయ్ తన భార్యకు విడాకులు ఇవ్వనున్నాడు అనే వార్తలు తమిళ మీడియాలో వైరల్ గా మారాయి. ఈ వార్తలు విజయ్ అభిమానులను తీవ్రంగా కలిచి వేస్తున్నాయి. దాంతో ఈ వార్తలు నిజమేనా ? అని తెలుసుకోవడానికి ప్రయత్నాలు చేసాయి. అందువల్ల తెలిసిన విషయం ఏంటంటే …….. విజయ్ తన భార్య సంగీత కు విడాకులు ఇవ్వడం లేదని.
అయితే ఈ విడాకుల వార్తలు ఇంతగా గుప్పు మనడానికి కారణం ఏంటంటే ……. గతకొంత కాలంగా విజయ్ భార్య సంగీత కనిపించడం లేదు. ఇటీవల రెండు మూడు శుభకార్యాలు జరుగగా ఆ వేడుకలకు హీరో విజయ్ ఒంటరిగా హాజరయ్యాడు. భార్య సంగీత లేకుండా ఒంటరిగా శుభకార్యానికి వచ్చాడు కాబట్టి విడాకులు నిజమే ! అనే పుకారు పుట్టించారు.
అసలు విషయం ఏంటంటే ……. విజయ్ భార్య సంగీత ఫారిన్ టూర్ లో ఉంది. పిల్లలు ఫారిన్ లో ఉండటంతో వాళ్ళ దగ్గరకు వెళ్ళింది. త్వరలోనే ఇండియా రాబోతోంది. అయితే ఆమె కనిపించడం లేదు కాబట్టి విడాకులు తీసుకుంటున్నారు అంటూ పుకార్లు పుట్టించారు. హీరో విజయ్ సంగీతను ప్రేమించి పెళ్లి చేసుకున్నాడు. సంగీత విజయ్ అభిమాని. ఓ సందర్భంలో సంగీత ను చూసి ఆమెను పెళ్లి చేసుకోవాలని డిసైడ్ అయ్యాడు. అలా 22 సంవత్సరాల క్రితం పెళ్లి చేసుకున్నారు. ఆ ఇద్దరికీ ఇద్దరు సంతానం. టీనేజ్ లో ఉన్న ఇద్దరు పిల్లలు ప్రస్తుతం ఫారిన్ లో ఉన్నత చదువులు చదువుతున్నారు. ఇక విజయ్ నటించిన వారసుడు జనవరి 12 న భారీ ఎత్తున విడుదల అవుతోంది.
