Actress Sangeetha :
తెలుగు, మలయళ, తమిళ భాషా చిత్రాలో నటించి మెప్పించిన వర్ధమాన కథానాయికల్లో నటి సంగీత గురించి పెద్దగా పరిచయం అవసరం లేదు. ఇప్పటి వరకు యంగ్ హీరోయన్ల పక్కన కూడా తన అందంగా ఆకట్టుకుంటుంది సంగీత. అప్పట్లో ఓ వెలుగు వెలిగిన ఈ తార వ్యక్తిగత కారణాల దృష్ట్యా కొద్ది రోజులు ఇండస్ట్రీకి దూరంగా ఉంది. కాస్త విరామం తర్వాత మళ్లీ ఎంట్రీ ఇచ్చింది. గతేడాది చిరంజీవి సినిమా ‘ఆచార్య’, ‘మసూద’ లో నటించింది. ఈ ఏడాది హీరో శ్రీకాంత్ భార్యగా ‘వారసుడు’ మూవీలో తన నటనతో మరోసారి మెప్పించింది సంగీత. ప్రస్తుతం టాలీవుడ్ తో పాటు కోలీవుడ్ లోనూ పలు చిత్రాల్లో నటిస్తూ బిజీగానే ఉంది.
రీసెంట్ గా ఓ యూట్యూబ్(ప్రేమ) ఛానెల్ సంగీతను ఇంటర్వ్యూ చేయగా ఆమె తన మ్యారేజ్ లైఫ్కు సంబంధించి విషయాలను బయటపెట్టింది. సంగీత తన పెళ్లి జీవితం గురించి చెబుతూ ‘ప్రారంభంలో మ్యారేజ్ లైఫ్ చాలా దారుణంగా ఉండేది. చాలా అసహ్యంగా అనిపించేది. వీలైనంత తొందరగా మ్యారేజ్ లైఫ్ని వదిలేయాలనుకున్నాను’ అని విస్మయానికి గురి చేసింది. తమిళ నటుడు, సింగర్ క్రిష్-సంగీత 2009లో తిరువన్నమలై టెంపుల్లో వివాహం చేసుకున్నారు. ప్రస్తుతం వారికి పది సంవత్సరాల పాప ఉంది.
సహజంగానే వీరి ప్రేమను ఇరు కుటుంబాలు అడ్డుకున్నాయి. పెళ్లికి ససేమీరా అన్నాయి. ఆ సమయంలో తన అత్తింటి నుంచి పుట్టింటి నుంచి ఎన్నో సమస్యలు వచ్చాయని చెప్పింది. ఈ తగాదాల వల్లే తమ కుటుంబాలకు దూరం అయినట్లు ఆమె చెప్పుకచ్చింది. ఈ తగాదాలు గుర్తుకొచ్చినప్పుడల్లా అనవసరంగా తొందరపడి పెళ్లి చేసుకున్న భావన కలుగుతుందని పేర్కొంది. ఆ తర్వాత గతం గురించి ఆలోచించకుండా ఫ్యూచర్ లో ఎలాంటి ఇబ్బందులకు గురి కాకుండా ఉండాలని నిర్ణయించుకున్నాం. చిన్న చిన్న సమస్యలు వచ్చినా ఇద్దరం కలిసి పరిష్కరించుకునే వాళ్లం అని వివరించింది సంగీత.