Hero Suriya : ఏ తండ్రికైనా తన కుమారుడు సాధించిన విజయాన్ని చూస్తే సంతోషం కలుగుతుంది. అలాంటి ఆనంద క్షణాలు స్టార్ హీరో సూర్యకు లభించాయి. ఆయన కుమారుడు దేవ్ 14 ఏళ్లకే కరాటేలో బ్లాక్ బెల్ట్ సాధించాడు. ఈ సదర్భంగా బ్లాక్ బెల్ట్ అందించే కార్యక్రమానికి సూర్య హాజరై వేదికపైకి వెళ్లి దేవ్ ను అభినందించారు. ఆ సమయంలో కుమారుడిని చూసి గర్వపడుతూ ఆనంద డోలికల్లో తేలిపోయారు.
సూర్య అసలు పేరు శరవణన్ శివకుమార్. ఆయన తమిళ సినిమాల్లో అగ్ర కథానాయకులలో ఒక్కరిగా ఎదిగారు. అతను 2006లో సహనటి జ్యోతికను వివాహం చేసుకున్నాడు. 2008లో సూర్య అగరం ఫౌండేషన్ ను స్థాపించాడు. అది వివిధ దాతృత్వ కార్యకలాపాలకు నిధులు సమకూరుస్తుంది. తన కుమారుడు కరాటే బ్లాక్ బెల్ట్ సాధించడంతో సూర్య ఆనంద పరవశంలో మునిగిపోయారు. ఈ వీడియో నెట్టింట వైరలవుతోంది.