సినిమా ప్రపంచంలో ఎవరు.. ఏ పాత్రతో గెటాన్ అవుతారో.. ఏ పాత్రలో డీలా పడతారో చెప్పడం చాలా కష్టం. దర్శకుడి ఆలోచనలో మెదిలే పాత్ర ఏ స్థాయి హీరోకు సూట్ అవుతుందో మొదలే గ్రహిస్తాడు. కానీ ఆ హీరో ఆ పాత్రకు వెయిట్ లేదని రిజక్ట్ చేస్తే మరో హీరోకు అదే పాత్రతో ఫుల్ హైప్ వస్తుంది. గతంలో ఒక్కడు సినిమా స్టోరీని త్రివిక్రమ్ పవన్ కళ్యాణ్ కు వినిపిస్తున్న క్రమంలో ఆయన నిద్రపోయాడు. దీంతో ఆ స్టోరీ మహేశ్ బాబుకు వెళ్లింది ఈ సినిమా మహేశ్ కెరీర్ లో టాలీవుడ్ లో గ్రేట్ మూవీగా నిలిచింది. ఇలాంటిదే సల్మాన్ ఖాన్ కెరీర్ లో కూడా జరిగింది.
జక్కన్న కలం నుంచి వచ్చిన పాన్ వరల్డ్ మూవీ బాహుబలి గురించి ప్రత్యేకంగా పరిచయం అవసరం లేదు. ఈ మూవీ వరల్డ్ వైడ్ గా భారీ కలెక్షన్లను దక్కించుకుంటూ సెన్సేషనల్ సాధించుకుంది. ఇందులో రమ్యకృష్ణ, అనుష్క, రాణాతో పాటు సమాన పాత్ర సత్యరాజ్ వేసిన కట్టప్పది. మొదట రాజమౌళి ఈ పాత్రకు సంజయ్ దత్ బాగా సూట్ అవుతాడని అనుకున్నాడట. ఆయనకు ఈ పాత్ర గురించి కూడా వివరించాడట. కానీ మూవీలో అంతగా వెయిట్ లేని పాత్ర అంటూ సంజయ్ దత్ రిజక్ట్ చేశాడు. ఇంకేముంది ఆ క్యారెక్టర్ లో తర్వాత సత్యరాజ్ ను సంప్రదిస్తే ఆయన ఒకే చెప్పాడు. బాహుబలి ఫస్ట్ ఎండ్ సత్యారాజ్ పాత్రతోనే ఉంటుంది. సెకండ్ స్ట్రాటింగ్ కూడా ఆయన క్యారెక్టర్ తోనే స్ట్రాట్ అవుతుంది.
సత్యరాజ్ కెరీర్ లో ఈ సినిమా ఒక మైలురాయనే చెప్పాలి. ఎన్నో క్యారెక్టర్లు వేసిన సత్యరాజ్ కట్టప్పతో బాగా పాపులర్ అయ్యాడు. అప్పట్లో ఆయన సోషల్ మీడియాలో ఒక రేంజ్ లో ట్రోల్ అయ్యాడంటే రాజమౌళి చలవే మరి. కట్టప్ప పాత్రను రిజక్ట్ చేయడంపై సంజయ్ దత్ ఒక ఇంటర్వ్యూలో చెప్పుకచ్చాడు. రాజమౌళికి నో చెప్పి చాలా తప్పు చేశానన్నారు. కేజీఎఫ్ లో అధీరా పాత్రకు కట్టప్ప లాంటి గుర్తింపే వచ్చింది. దీంతో ఆయన కొంత ఆనందంగా ఉన్నారు.
