Moon : ఈ అనంత విశ్వంలో ఎన్నో వింతలు విడ్డూరాలు నిత్యం జరుగుతూనే ఉంటాయి. మనం ఉన్న పాలపుంతలో సూర్యుని చుట్టూ భూమి తిరిగితే.. భూమి చుట్టూ చంద్రుడు తిరుగుతున్నాడు. భూమికి చంద్రుడు ఉప గ్రహంగా ఉన్నారు. ఇంకా ఇతర వేర్వేరు గ్రహాలకు వేర్వేరు ఉప గ్రహాలు ఉండనే ఉంటాయి. వీటన్నింటినీ పక్కన పెడితే విశ్వంలో అప్పుడప్పుడూ కొన్ని వింతలు కనిపిస్తుంటాయి.
గ్రహాంతర వాసులు, ఫ్లయింగ్ సాసర్లు, యూఎఫ్ఓ.. ఇలా అనేక అంశాలు శతాబ్దాలుగా మిస్టరీగా మారుతున్నాయి. ఇవి ఉన్నాయా? లేదా? అనేది ఎవరూ స్పష్టంగా చెప్పలేకపోతున్నారు. అంతరిక్ష పరిశోధనా రంగంలో వివిధ దేశాల కంటే పురోగతి సాధించిన అమెరికా స్పేస్ ఏజెన్సీ ‘నాసా’ కూడా దీని గురించి ఏమీ తేల్చలేకపోయింది. తాజాగా నాసా ఆసక్తికర ఫొటోలను సోషల్‌ మీడియాలో షేర్‌ చేసింది.
చంద్రుడి చుట్టూ వింత వస్తువు తిరుగుతున్నట్టు ఉన్న ఫొటోలను రిలీజ్ చేసింది. ఇలా చంద్రుడి చుట్టూ తిరుగుతున్న వస్తువు ‘సిల్వర్ సర్ఫ్ బోర్డ్’ లాగా ఉందని నాసా తెలిపింది. ఈ సర్ఫ్ బోర్డ్ లాంటి వస్తువును లూనార్ రికానైసెన్స్ ఆర్బిటర్ కెమెరా బంధించినట్టు నాసా స్పష్టం చేసింది. దానిపై పరిశోధనలు చేశారు. విశ్వంలో ఏదో జరుగుతుందని అనుకున్నారు. అయితే, ఆ తర్వాత తేలిందేంటంటే.. LRO చిత్రీకరించిన వింత ఆకృతిని కాదు.. దక్షిణ కొరియాకు చెందిన మరో లూనార్ ఆర్బిటర్ ను అని తెలసింది. దక్షిణ కొరియాకు చెందిన లూనార్ ఆర్బిటర్ పేరు దనురి. దీని గురించి తెలిసిన తర్వాత పప్పులో కాలేసినట్లేనని శాస్త్రవేత్తలు అనుకున్నారు.
