Actress Sreleela : ప్రస్తుతం డబ్బుకు లోకం దాసోహం. ఎలాంటి పనులు చేసినా సరే డబ్బు సంపాదించుకోవడమే ధ్యేయం. ఈనేపథ్యంలో తెలుగు పరిశ్రమలో శ్రీలీల మంచి ఊపుమీదుంది. ఒక్కో సినిమాకు రూ. 3 నుంచి 4 కోట్ల వరకు తీసుకుంటోంది. దీపం ఉండగానే ఇల్లు చక్కబెట్టుకోవాలనుకున్నట్లు పేరు మంచి రేంజ్ లో ఉండగానే నాలుగు రాళ్లు వెనకోసుకోవడానికే ప్రాధాన్యం ఇస్తుంటారు.
మంచి పేరు వచ్చాక కొన్ని కంపెనీలకు బ్రాండ్ అంబాసిడర్ గా వ్యవహరిస్తారు. దీనికి గాను సదరు సంస్థలనుంచి కొంత డబ్బును డిమాండ్ చేయడం సహజం. సమాజానికి ఉపయోగపడేవి అయితే ఓకే కానీ సమాజానికి కీడు చేసే వాటికి దూరంగా ఉంటేనే మన మీద మంచి అభిప్రాయం కలుగుతోంది. కానీ చాలా మంది దీన్ని అంతగా పట్టించుకోరు.
శ్రీలీల మాత్రం మద్యం, బెట్టింగ్ యాప్ లకు సంబంధించిన యాడ్ లు చేసేందుకు ఒప్పుకోలేదు. వాటి వల్ల సమాజానికి కీడు జరుగుతుందనే ఉద్దేశంతో వాటిలో నటించేందుకు నో చెప్పింది. శ్రీలీల ఇంటి మంచి నిర్ణయం తీసుకున్నందుకు ఆమె ఫ్యాన్స్ సంతోషపడుతున్నారు. శ్రీలీల కెరీర్ పరంగా ఒక్కో మెట్టు ఎదుగుతూ పైకి వస్తోంది. మంచి నిర్ణయాలు తీసుకుంటూ అభిమానులకు దగ్గరవుతోంది.
ప్రస్తుతం గుంటూరు కారం సినిమాలో నటించింది. ఆ సినిమా ఆమెకు మంచి పేరు తీసుకురావాలని ఆశిస్తున్నారు. ఇతర భాషల నుంచి ఆఫర్లు వస్తున్నా తెలుగుకే తగిన ప్రాధాన్యం ఇస్తోంది. త్వరలో మరిన్ని క్రేజీ ప్రాజెక్టులలో నటిస్తోంది. శ్రీలీల, నితిన్ కాంబినేషన్ లో వచ్చిన సినిమా ప్లాప్ కావడంతో ఇప్పుడు వెంకీ కుడుముల దర్శకత్వంలో మరో సినిమా చేస్తున్నారు. ఈ సినిమా కూడా మంచి పేరు తీసుకురావాలని కోరుకుంటున్నారు.