Adhi Pursh : ఆదిపురుష్ సినిమా కోసం అభిమానులు వేయి కళ్లతో ఎదురు చూశారు. సినిమా నేడు విడుద కావడంతో ప్రేక్షకుల సంతోషం అవధులు లేకుండా పోయింది. కటౌట్లు, పూల దండలు, కొబ్బరికాయలు, టపాసులు పేల్చి సంబరాలు చేసుకున్నారు. అభిమానం ఎక్కువైంది. వెర్రితలలు వేసింది. తమ అభిమాన హీరో కోసం చేయి కోసుకోవడానికి కూడా వెనకాడలేదు.
ప్రభాస్ పోస్టర్ ముందు నిలబడి జై రెబల్ స్టార్ అంటూ బీరు సీసాతో చేయి కోసుకున్నాడు. పదేపదే కోసుకుంటూ ప్రభాస్ కు తన రక్తంతో వీర తిలకం దిద్దాడు. డాన్స్ చేస్తూ చిందులు వేశారు. అక్కడున్న వారు సైతం చోద్యం చూశారు కానీ అతడిని ఆపే ప్రయత్నం చేయలేదు. ఈ తతంగాన్ని వీడియోలు తీయడం గమనార్హం.
ప్రస్తుతం ఈ వీడియో సోషల్ మీడియాలో వైరల్ గా మారింది. అభిమాని తీరుకు అందరు ఆశ్చర్యపోతున్నారు. సినిమా చూడాలి. ఎంజాయ్ చేయాలి. కానీ ఇలా చేతులు కోసుకోవడం అభిమానం కాదు దురభిమానమే అంటున్నారు. ప్రభాస్ అంటే భక్తి ఉంటే దాన్ని చేతల్లోచూపించాల్సిన అవసరం లేదు. ఈ నేపథ్యలో ఆ అభిమాని చేయి కోసుకోవడం సంచలనం కలిగించింది.
మీరు అభిమానులా? చేయి కోసుకోవడం వల్ల రెండు దెబ్బలు వేసి బుద్ధి చెప్పాల్సింది పోయి అతడి నిర్వాకాన్ని ఉత్సాహపరచిన వారి అభిమానంపై అందరు ఆగ్రహం వ్యక్తం చేస్తున్నారు. అభిమానం ఉంటే హుందాగా ఉండాలి కానీ ఇలా విచిత్రంగా ప్రవర్తించడంపై తిట్టిపోశారు. కొంచెం బుర్ర పెట్టి ఆలోచించాల్సింది పోయి ఇలా చేయడం విమర్శలకు తావిస్తోంది.
ReplyForward
|