Alcohol : మద్యం అనేది ఎలా తీసుకున్నా ఆరోగ్యానికి హానికరమే కానీ.. చాలా మంది తీసుకోకుండా ఉండలేరు. సోషల్ డ్రింకర్ అయితే కొంచెం వరకు పర్వాలేదు. కానీ బానిసగా మారితేనే కష్టం అంటున్నారు ఆరోగ్య నిపుణులు. సోషల్ డ్రింకర్ గా కాకుండా కొందరు ప్రతి రోజూ మద్యం తాగేందుకు ఇష్టపడతారు. మద్యం లేనిది వారు ఉండలేదు. ఉదయం వైన్స్ షెట్టర్ తీయడం ఆలస్యం కావచ్చని నిత్యం మందు బాటిళ్లను ఇంట్లో స్టాక్ పెట్టుకుంటారు కొందరు ప్రబుద్ధులు.
ఇలా చాలా మంది మందుకు బానిసలుగా మారుతుంటారు. కొందరు కొద్ది మొత్తంలో తీసుకుంటే మరికొందరు మాత్రం సీసాలకు సీసాలు గుంజి పారేస్తుంటారు. అరోగ్యానికి హానికరమని వైద్యులు హెచ్చరిస్తున్నా వాటిని పట్టించుకోరు. పైగా దూరం కాలేకపోతున్నామని ఎలా తాగాలని వైద్యులనే అడుగుతారు. దీంతో పాటు కొన్ని అధ్యయనాల్లో మధ్యంతో ప్రమాదకర సమస్యలు ఎదురవుతాయని రుజువైంది.
అయినా చాలా మంది భయపడకుండా ఉంటారు. నీళ్లు తాగినట్లుగా మద్యం తాగుతున్నారు. అయితే మందు అలవాటు ఉన్న వారిలో ఈ లక్షణాలు కనిపిస్తే సాధ్యమైనంత వేగంగా మందు మానేయాలట. లేదంటే అత్యంత భయానకమైన ప్రమాదంలో పడతారని నిపుణులు హెచ్చరిస్తున్నారు. అవేంటో తెలుసుకుందాం.
* ఉదయం నిద్రలేవగానే మగతగా.. నీరసంగా ఉంటే మద్యానికి దూరంగా ఉండాట.
* మద్యం వల్ల రోగ నిరోధక వ్యవస్థ దెబ్బ తింటుంది. దీంతో చిన్న అనారోగ్యం కూడా పెను ముప్పునకు దారి తీస్తుంది. కాబట్టి మద్యం మానేయాలి.
* దగ్గు, కడుపులో ఉబ్బరంగా అనిపిస్తే మద్యం వల్లే అని గుర్తించాలి.
* శరీరంపై దద్దుర్లు, దురద వంటి లక్షణాలు కనిపిస్తే వెంటనే మద్యాన్ని పూర్తిగా మానేయాలి. ఈ లక్షణం ఆరోగ్యానికి అస్సలు మంచిది కాదు.
* దంతాలు, చిగుళ్ల సమస్యలు ఏర్పడితే మద్యం వల్లే అని గ్రహించి డాక్టర్లను సంప్రదించాలి. వారి సూచనలు పాటించాలి.
