RGV ‘Vyuham’ teaser release : కొంత కాలంగా రాం గోపాల్ వర్మ ఆంధ్రప్రదేశ్ రాజకీయాలను టార్గెట్ చేస్తూనే సినిమాలు చేస్తున్నారు. ‘అమ్మ రాజ్యంలో కడప బిడ్డలు’ అంటూ ఒక సినిమా తెరకెక్కించారు. చంద్రబాబు, వైఎస్ జగన్, కేఏ పాల్ పాత్రలను అన్నింటిని ఈ సినిమాలో దింపేశాడు. ఇక ఇప్పుడు ‘వ్యూహం’ చేస్తున్నాడు. ఈ సినిమాపై ఆంధ్రప్రదేశ్ లో తీవ్ర చర్చ జరుగుతోంది. ఇది పూర్తిగా చంద్రబాబు, పవన్ కళ్యాణ్ ను టార్గెట్ చేసి తీస్తున్నట్లు ఇప్పటికే విపరీతమైన పుకార్లు వచ్చాయి. రాంగోపాల్ వర్మ కూడా అదే విధంగా ట్వీటర్ లో ట్వీట్లు పెడుతూనే ఉన్నారు.
గతంలో సినిమాకు సంబంధించి ఫస్ట్ గ్లింప్స్ రిలీజ్ చేసిన ఆయన తర్వాల ఫస్ట్ లుక్ రిలీజ్ చేశారు. ఆ సమయంలో చంద్రబాబు, జగన్ మధ్యనే ఈ సినిమా ఉంటుందని అందరూ అనుకున్నారు. కానీ తర్వాత తన ట్విటట్ ఖాతా నుంచి పవన్ కళ్యాణ్, చిరంజీవి, అల్లు అరవింద్ కలిసి ఉన్న పిక్ ను రిలీజ్ చేశారు. దీంతో వీరు కూడా ఉంటారని స్పష్టం చేశారు. వైఎస్ రాజశేఖర్ రెడ్డి చనిపోయినప్పటి నుంచి ఈ కథ మొదలవుతుందని గ్లింప్స్ లో తెలిస్తోంది. ఇక దీనికి సంబంధించి టీజర్ రిలీజ్ డేట్ ను తాజా ప్రకటించారు వర్మ.
‘వ్యూహం’కు సంబంధించి టీజర్ ను ఆగస్ట్ 15 (మంగళవారం) రోజున రిలీజ్ చేస్తున్నట్లు ప్రకటించారు వర్మ. ఉదయం 11 గంటలకు విడుదల చేస్తున్నట్లు ట్విటర్ ఖాతాలో తెలిపాడు. ఈ సినిమా షూటింగ్ కొన్ని రోజులుగా విజయవాడ, గుంటూరు ప్రాంతాల్లో కొనసాగుతోంది. ఈ చిత్రంలో జగన్ పాత్రలో అజ్మల్, ఆయన భార్య భారతి పాత్రలో మానస నటిస్తున్నారు.
