Decoit Title Teaser : అడివి శేషు అంటే విలక్షణ కథ, కథనం ఉంటుందని తెలుగు సినీ అభిమానులకు తెలిసిందే. ఆయన సినిమా ప్రతీ ఒక్కటి ఒక్కో డిఫరెంట్ కథతో దూసుకుపోతుంది. సినిమాటోగ్రాఫర్ షనీల్ డియోను దర్శకుడిగా పరిచయం చేస్తూ ఓ యూనిక్ యాక్షన్ అండ్ రొమాంటిక్ థ్రిల్లర్ ను తెరకెక్కించాడు. ఇందులో శ్రుతిహాసన్ అడవి శేషు సరసన నటిస్తోంది.
‘డాకోట్’ టైటిల్ తో తెరకెక్కుతున్న ఈ సినిమా ఫస్ట్ లుక్ పోస్టర్ తో పాటు టీజర్ ఈ రోజు (డిసెంబర్ 20) విడుదల చేశారు. గతంలో చూడని లవ్ అండ్ యాక్షన్ గా ఈ మూవీని తెరకెక్కిస్తున్నట్లు ట్రైలర్ ను చూస్తే అర్థం అవుతుంది.
ఒక కాల్పుల సీన్ లో శేష్, శ్రుతి తప్ప మిగిలిన వారంతా చనిపోతారు. ఇందులో హీరోయిన్ ను హీరో పలకరించే సీన్ గుస్ బమ్స్ గా ఉంటుంది. వారి కళ్లు మాత్రమే మాట్లాడుకుంటాయి. ప్రేమ పేరుతో తనను మోసం చేసిన మోసగాడు అని శ్రుతి చెప్పినా, ఆమెను ఎందుకు మోసం చేశాడో చెప్తాడు హీరో.
తుపాకుల కాల్పుల శబ్దాలతో టీజర్ ఆసక్తికరంగా ముగుస్తుంది. శృతిని శేష్ ఎందుకు మోసం చేశాడు? ఒకరినొకరు చంపుకునే స్థాయికి ఎందుకు వెళ్లారు? శేషు, శ్రుతిల మధ్య ఇంటెన్స్ ఎదురవుతున్న ముఖాముఖిని చూపించే ఈ టీజర్ సినిమాపై ఆసక్తిని రేకెత్తిస్తుంది. శేష్, శ్రుతి ఇంటెన్స్ పాత్రల్లో కనిపించినా టెక్నికల్, ప్రొడక్షన్ వాల్యూస్ హై స్టాండర్డ్ గా ఉన్నాయి. కెమెరా పనితనం చెప్పుకోదగ్గదే అయినా బ్యాక్ గ్రౌండ్ స్కోర్ అదిరిపోయే థ్రిల్ ఇచ్చింది. ప్రేక్షకులకు థ్రిల్లింగ్ ఎక్స్ పీరియన్స్ ను అందించే ఈ సినిమాపై అంచనాలు పెంచిన ‘డాకట్’ ఫస్ట్ ప్రమోషనల్ మెటీరియల్.
అన్నపూర్ణ స్టూడియోస్ పతాకంపై సునీల్ నారంగ్ తో కలిసి సుప్రియా యార్లగడ్డ ఈ చిత్రాన్ని నిర్మిస్తున్నారు. తెలుగు, హిందీ భాషల్లో ఏకకాలంలో తెరకెక్కనున్న ఈ చిత్రం త్వరలో ప్రారంభం కానుంది.