Akkineni House Marriage Weddings : అక్కినేని ఇంట త్వరలో పెళ్లి బాజాలు మోగబోతున్నాయన్న వార్తలు ఇప్పుడు సోషల్ మీడియాలో వైరల్ అవుతున్నాయి. అయితే ఎవరిది..? అన్న సందేహం ప్రతీ ఒక్కరి మదిలో కలుగుతుంది. ఇటీవల విడాకులు అయిన నాగ చైతన్యదా..? లేక అఖిల్ దా..? మరి ఇంకెవరిది అంటూ ప్రశ్నల వర్షం కురుస్తుంది.
విలక్షణ సినిమాలతో డిఫరెంట్ బజ్ క్రియేట్ చేసుకున్న నటుడు అడివి శేష్. క్యారెక్టర్ ఆర్టిస్ట్ గా టాలీవుడ్ లో ఎంట్రీ ఇచ్చిన అడవి శేష్ స్టార్ హీరోగా మారాడు. ప్రస్తుతం ఆయన డేట్స్ దొరకడం లేదంటే అతిశయోక్తి కాదేమో. ఆయన చేసిన సినిమాలు ఒక్కోటి ఒక్కో డిఫరెంట్ కథతో సాగుతుంది. బ్యాక్ టూ బ్యాక్ హిట్లతో తెలుగు ఇండస్ట్రీలో దూసుకుపోతున్న శేష్ త్వరలో అక్కినేని ఇంటికి అల్లుడు కాబోతున్నట్లు వార్తలు వినిపిస్తున్నాయి.
నాగార్జున మేన కోడలు సుప్రియతో అడవి శేష్ పెళ్లి జరగబోతున్నట్లు సోషల్ మీడియాలో వస్తున్న వార్తలు వైరల్ గా మారాయి. ఈ నెల చివరిలోనే వీరి పెళ్లి జరుగుతుందంటూ కూడా వినిపిస్తోంది. సుప్రియ యార్లగడ్డ పవన్ కళ్యాణ్ తో కలిసి ‘అక్కడ అమ్మాయి ఇక్కడ అబ్బాయి’ చిత్రంలో హీరోయిన్ గా నటించింది. సుప్రియకు చరణ్ రెడ్డితో గతంలోనే పెళ్లి జరిగింది. అయితే దంపతుల మధ్య తీవ్ర మనస్పర్థలు రావడంతో విడిపోయారు. ఆ తర్వాత చరణ్ రెడ్డి అనారోగ్యంతో మరణించాడు. చాలా కాలం వెండితెరకు దూరంగా ఉన్న సుప్రియ అడవి శేష్ దర్శకత్వంలో వచ్చిన ‘గూఢచారి’ సినిమాలో కనిపించింది. ఈ సినిమా షూటింగ్ సమయంలోనే ఇద్దరూ లవ్ లో పడ్డారని టాక్ వినిపించింది. అది ఇప్పుడు పెళ్లి వరకు వెళ్లినట్లు పుకార్లు వ్యాపించాయి.
జూన్ 16వ తేదీ వీరి పెళ్లి ఉండబోతోందని కూడా సోషల్ మీడియాలో వార్తలు వినిపిస్తున్నాయి. అయితే ఈ విషయంపై అక్కినేని ఫ్యామిలీ గానీ, అడవి శేష్ గానీ, సుప్రియా గానీ క్లారిటీ ఇవ్వలేదు. అలాగని ఖండించనూ లేదు. ఈ నేపథ్యంలో వీరి పెళ్లిపై తీవ్ర దుమారం చెలరేగింది. దీనిపై ఎవరు..? ఎప్పుడు..? ఎలా..? స్పందిస్తారో చూడాలి మరి.
