Taro Leaves Benefits :
మనం దుంప కూరలు ఎక్కువగా ఇష్టపడుతుంటాం. అందులో చామగడ్డ అంటే మరీ ఇష్టంగా తింటారు. దీంతో పులుసు, వేపుడు, కూర చేసుకోవచ్చు. వీటిలో విటమిన్ ఎ, సి, బి కాంప్లెక్స్, కాల్షియం, పొటాషియం, ఐరన్, మెగ్నిషియం, ఒమేగా3, ప్యాటీ యాసిడ్స్ వంటి పోషకాలు పుష్కలంగా ఉంటాయి. వీటి ఆకుల్లో బీటాకెరోటిన్, ఫ్లేవనాయిడ్స్ వంటి యాంటీ ఆక్సిడెంట్లు ఉన్నాయి.
చామాకులతో చాలా రకాల వంటలు చేసుకోవచ్చు. చామాకు బడీలు, పొట్లాలు చేస్తూ ఉంటారు. చామాకును మన డైట్ లో చేర్చుకుంటే ఎన్నో ప్రయోజనాలు దక్కుతాయి. చామాకులు తింటే బీపీ నియంత్రణలో ఉంటుంది. ఇందులో ఒమేగా ప్యాటీ యాసిడ్లు ఉంటాయి. దీంతో బీపీ కంట్రోల్ లో ఉంటుంది. అందుకే చామాకులను మన ఆహారంలో భాగంగా చేసుకోవడం ఉత్తమం.
చామాకులతో మన రోగ నిరోధక వ్యవస్థ మెరుగుపడుతుంది. చామాకుల్లో విటమిన్ సి అధికంగా ఉంటుంది. రోగ నిరోధక వ్యవస్థ బాగుపడేందుకు చామాకు తోడ్పడుతుంది. చామాకుల్లో పోషకాలు మెండుగా ఉంటాయి. ఫైబర్, మెథియోనిన్ ఉండటం వల్ల చెడు కొలెస్ట్రాల్ ను తగ్గిస్తుంది. దీని వల్ల ఇన్ని రకాల ప్రయోజనాలు దాగి ఉన్నాయి.
చామాకులు తినడం వల్ల బరువు తగ్గుతారు. చామాకుల్లో ప్రొటీన్ ఎక్కువ. తక్కువ కొవ్వు ఉంటుంది. ఇందులో కాల్షియం, పొటాషియం అధికంగా ఉంటాయి. కాల్షియం ఎముకలు, దంతాలు బలంగా ఉండేందుకు కారణమవుతుంది. పొటాషియం గుండె ఆరోగ్యాన్ని రక్షిస్తుంది. అనిమియాతో బాధపడే వ్యక్తులకు ఈ ఆకులు మందులా పనిచేస్తాయి. ఎర్ర రక్తకణాలు ఏర్పడటానికి కారణంగా నిలుస్తాయి.