India Independence Day Parade : సామాజిక సేవలో ఎప్పుడూ ముందుండే జై, డాక్టర్ జగదీష్ బాబు యలమంచిలి గారిని పలువురు వక్తలు కొనియాడారు. డాక్టర్ జగదీష్ బాబు (జై)గా ఇండియా నుంచి వచ్చి అక్కడి వారికి, ఇక్కడి వారి కోసం ఎన్నో సేవా కార్యక్రమాలు నిర్వహిస్తుండడం, ఎంతో మందిని ఆదుకుంటుండడం.. భారతీయ కార్యక్రమాలను దగ్గరుండి నిర్వహిస్తుండడం గర్వకారణమని పలువురు వక్తలు అన్నారు. జగదీష్ యలమంచిలి గారు ‘యూ బ్లడ్ (UBLOOD) యాప్ ప్రారంభించిన తర్వాత ఎంతో మందికి ప్రాణం పోశారన్నారు.
ఈ యాప్ రానంత వరకు అత్యవసర సమయంలో రక్తం కావాలంటే పేషంట్లు, వారి బంధువులు ఇబ్బందులు పడేవారని.. ఈ యాప్ వచ్చిన తర్వాత భరోసా కలిగిందని చెప్పుకొచ్చారు. ఇప్పటి వరకు ఎంతో మంది ప్రాణాలను కాపాడిన ఈ యాప్ సృష్టికర్త డాక్టర్ జగదీష్ బాబు యలమంచిలిగారిని మరువలేమన్నారు.
భారత స్వాతంత్ర దినోత్సవం (ఆజాదీకా అమృత్ మహోత్సవం)లో భాగంగా న్యూజెర్సీలోని ఎడిసన్ లో భారత స్వాతంత్ర దినోత్సవ పరేడ్ ఈవెంట్ నిర్వహించారు. ఈ కార్యక్రమానికి సినీ నటి తమన్నా భాటియా హాజరయ్యారు. యూ బ్లడ్ యాప్ గురించి తెలుసుకున్న ఆమె జగదీష్ యలమంచిలి సేవలను కొనియాడారు. తాను కూడా ఈ యాప్ గురించి విస్తృతంగా ప్రచారం చేస్తానని హామీ ఇచ్చారు.
అనంతరం యూబ్లడ్ సేవలకు గాను డాక్టర్ జై (జగదీష్) గారిని శాలువా, మెమెంటోలతో తమన్నా సత్కరించారు. ఇండియన్ బిజినెస్ అసోసియేషన్ ప్రెసిడెంట్ ధీరేన్ అమీన్, చైర్మన్ అండ్ సెక్రటరీ, అతని టీమ్, భారతీయ జనతా పార్టీ నాయకుడు నాయకుడు పాతూరి నాగభూషణం ఈ కార్యక్రమంలో పాల్గొన్నారు. జగదీష్ యలమంచిలిగారికి కృతజ్ఞతలు తెలిపారు.