Stop Hair Loss : ఈ రోజుల్లో జుట్టు రాలే సమస్య అందరిని కలవరపెడుతుంది. ఇరవైలోనే అరవైలా మారుతున్నారు. బట్టతలతో నలుగురిలో తిరగాలంటే ఇబ్బందులు పడుతున్నారు. బట్టతల సమస్య ఎందుకు వస్తుంది? వెంట్రుకలు ఎందుకు ఊడిపోతాయి? జుట్టు రాలే సమస్యకు కారణాలేంటనే దానిపై అవగాహన ఉన్నా తగిన జాగ్రత్తలు తీసుకోవడం లేదు. దీంతో జుట్టు రాలే సమస్యను దూరం చేసుకోవడం లేదు.
చాలా మంది అనుకుంటారు. జుట్టును మసాజ్ చేస్తే బాగా పెరుగుతుందని. కానీ ఇందులో నిజం లేదు. జుట్టుకు మసాజ్ చేస్తే రక్తప్రసరణ మెరుగవుతుంది. ఆముదం, పిప్పర్ మెంట్ ఆయిల్, కొబ్బరినూనె, రోజ్మెరీ ఆయిల్, జోోవా ఆయిల్, గుమ్మడి గింజల నూనె, కలోంజి నూనె జుట్టు పెరగడానికి తోడ్పడతాయని వైద్యులు సూచిస్తున్నారు.
విటమిన్ సి ఉండే ఆహారాలు తీసుకుంటే జుట్టు రాలడం సమస్యకు చెక్ పెట్టొచ్చు. చికెన్, చేపలు, పప్పులు, బీన్స్, ఆకుకూరలు, బ్రోకలీ, క్యారెట్, పాలు, పెరుగు, పండ్లు, గుడ్లు వంటివి తీసుకుంటే మంచిది. ఇంకా నానబెట్టిన శనగలు కూడా ఎంతో మేలు చేస్తాయి. ప్రతి రోజు కనీసం నాలుగు లీటర్లు మంచినీరు తాగేందుకు శ్రద్ధ తీసుకోవాలి. ఇలాంటి జాగ్రత్తలు తీసుకుంటే జుట్టు రాలడం సమస్య నుంచి ఉపశమనం లభిస్తుంది.
జుట్టు సంరక్షణకు పలు చర్యలు తీసుకోవాలి. జుట్టుకు కుంకుడు కాయలు పెట్టుకుంటే మంచి ఫలితం ఉంటుంది. ఆముదం నూనెను రాసుకుంటే జుట్టు తుమ్మెదల్లా మారుతుంది. బాగా వేడి నీటిని స్నానానికి ఉపయోగించకూడదు. తడిగా ఉన్నప్పుడు జుట్టును దువ్వకూడదు. ఇలా జుట్టు సంరక్షణ చర్యలు తీసుకుంటే ఇబ్బందులు రాకుండా ఉంటాయి.
