Prabhas Wedding : పాన్ ఇండియన్ స్టార్ గా ఎదిగిన ప్రభాస్ ఇప్పటికి మోస్ట్ ఎలిజిబుల్ బ్యాచిలర్ లిస్టులో టాప్ 1 లో ఉన్నారు. ఇప్పుడు ప్రభాస్ కు 43 ఏళ్ళు.. అయిన ఇంకా పెళ్లి చేసుకోకుండా అలానే బ్యాచిలర్ లైఫ్ ఎంజాయ్ చేస్తున్నాడు.. తోటి హీరోలంతా పెళ్లి చేసుకుంటుంటే ఈయన మాత్రం పెళ్లి ఊసే ఎత్తడం లేదు..
కానీ ఫ్యాన్స్ మాత్రం గత 10 ఏళ్ల నుండి ఈయన పెళ్లి ఎప్పుడా అని ఎదురు చూస్తున్నారు.. కానీ ఈయన మాత్రం గుడ్ న్యూస్ చెప్పడం లేదు.. కెరీర్ పరంగా మిగతా హీరోల కంటే ముందు ఉన్న ప్రభాస్ పర్సనల్ లైఫ్ లో మాత్రం తోటి హీరోల కంటే వెనుకబడి ఉన్నాడు. ఈయన ఫ్యాన్స్ మాత్రం సల్మాన్ మాదిరిగా బైచిలర్ లైఫ్ లోనే సెటిల్ అవుతాడేమో అని ఆందోళన చెందుతున్నారు.
అయితే ఈ ఏడాది ఆదిపురుష్ రిలీజ్ సమయంలో ఈయన పెళ్లి ఎప్పుడు చేసుకున్న తిరుపతి లోనే చేసుకుంటాను అంటూ చెప్పడంతో ఎప్పుడెప్పుడు చేసుకుంటాడా అని ఎదురు చూస్తున్నారు. ఇక తాజాగా ఈయన పెద్దమ్మ శ్యామల దేవి ప్రభాస్ పెళ్లిపై మరోసారి కామెంట్స్ చేసింది.. ఈమె తాజాగా విజయవాడ కనకదుర్గమ్మను దర్శించుకున్నారు.
ఈ క్రమంలోనే ఈమెను మీడియా ప్రభాస్ పెళ్లి గురించి అడిగారు.. ”త్వరలోనే బాబు పెళ్లి ఉంటుంది.. అమ్మవారి ఆశీస్సులతో పాటు కృష్ణంరాజు గారి ఆశీస్సులతో తప్పకుండ బాబు పెళ్లి జరుగుతుంది.. తప్పకుండా మీడియా వారిని కూడా ఆహ్వానిస్తాను” అంటూ ఈమె చెప్పుకొచ్చారు. ప్రస్తుతం ప్రభాస్ పెళ్లిపై ఈమె చేసిన కామెంట్స్ వైరల్ అవుతున్నాయి. చూడాలి పెళ్లి ఎప్పుడు అవుతుందో..